Maji Vijijini

Halmashauri ya Wilaya ya Ngara imeendelea kutoa huduma ya maji kwa kutumia teknolojia mbalimbali kama vile maji ya bomba ya bubujiko, maji ya bomba ya kusukumwa na mitambo, chemichemi za asili zilizoboreshwa, visima vya pampu za mikono na uvunaji wa maji ya mvua.

Mtandao wa usambazaji maji safi na salama vijijini unakadiriwa kuwa 60.3% hadi kufikia Mwezi Oktoba 2017. Kiwango hiki cha mtandao kimezingatia upatikanaji wa maji salama bila kujali umbali unaotembewa na watumiaji. Hali halisi ya huduma ya maji vijijini ni kama inavyooneka katika jedwali Na.1 hapo chini.

TAARIFA YA UTEKELEZAJI WA MIRADI YA VIJIJI 10 

 Taarifa ya utekelezaji wa miradi ya maji ya Vijiji 10 chini ya Program ya Maendeleo ya Sekta ya Maji (WSDP) ni kama inavyoonekana katika jedwali lifuatalo;

MAFANIKIO

 Katika miradi ya vijiji 10 chini ya programu ya WSDP Halmashauri ya Ngara tumefanikiwa kukabidhi  miradi 3 kwa wananchi. Miradi hiyo ni Rulenge, Ngundusi na Mukibogoye. Miradi mingine mitatu (3) ya Munjebwe, Rwinyana na Mukubu haijakamilika kwa 100% lakini wananchi wananufaika na huduma ya maji safi na salama.

CHANGAMOTO

• Kutokuwepo kwa umeme kwenye vyanzo vya maji kunapelekea kuchelewesha ukamilishaji wa miradi ya maji inayotegemea kutumia nishati ya umeme
• Utekelezji wa miradi unakwenda kwa kusuasua kutokana na Wakandarasi kukaa mda mrefu nje ya eneo la kazi kwasababu ya ukosefu wa fedha
• Uvamizi wa vyanzo vya maji ambapo sehemu nyingi Wananchi wanafanya shughuli za kibinadamu ndani ya mita 60 maeneo ya vyanzo vya maji.

UTATUZI WA CHANGAMOTO

• Halmashauri imeshirikiana na TANESCO kubainisha gharama za kupeleka umeme kwenye vyanzo vya maji vinavyohitaji kutumia nishati ya umeme na tayari maombi ya fedha yamepelekwa Wizara ya Maji na Umwagiliaji ili kutekeleza shughuli hii.

 Halmashauri na Wadau mbalimbali wa sekta ya maji wanaendelea kutoa elimu kwa Wananchi ili waache kufanya shughuli za kibinadamu kwenye vyanzo vya maji ili kuepuka kukauka kwa vyanzo hivyo.