MHE MBUNGE JIMBO LA NGARA.ATOA TSH 13,000,000/ KUWEZESHA MICHEZO WILAYANI NGARA

Wakati ilipowekwa: July 19th, 2024

NGARA.

19 JULY, 2024.

Mbunge wa Jimbo la Ngara MH.NDAISABA RUHORO amekabidhi TZS 13,000,000 Taslimu kuwezesha michezo ya Mbio za Marathoni pamoja na mashindano ya Mpira wa Miguu Wilayani Ngara. 

Fedha hizo zilikabidhiwa kwa  Viongozi wa vyama vya michezo  Wilayani Ngara Chini ya Ofisi ya Utamaduni na michezo Wilaya. vyama vilivyokabidhowa ni Chama cha Riadha Ngara pamoja na chama cha Mpira wa Miguu Wilayani Ngara.

Dhumuni kubwa ilikuwa kuwezesha kifedha maandalizi ya michezo ya aina mbili ambayo tayari maandalizi yanaendelea Mbunge akiwa mdhamini wa michezo hiyo yaani NGARA RUHORO MARATHON NA MPIRA WA SOKA DARAJA LA NNE WILAYA.

Mh.Ruhoro amezieleza kamati za michezo hiyo miwili kuwa miongoni mwa adhima zake kwanza ni kutimiza ahadi alizotoa 2020 ,kuchangamsha wananchi wa Ngara Katika nyanja mbalimbali ikiwemo Afya, kiuchumi na kuimalisha mahusiano pia kuhamasisha maswala mbali mbali kupitia michezo hiyo ikiwemo daftari la mpigakura.

Mhe.Ruhoro amesema kuwa ameamua pia kuwekeza Katika michezo Ili wananchi wafurahie maamuzi waliyofanya 2020 lakini pia kuunga mkono Juhudi za DR SAMIA SULUHU HASSAN kwani Mama amesukuma maendeleo makubwa ndani ya Jimbo la Ngara.

Mh.RUHORO ameahidi kuendelea kuwezesha michezo kama ambavyo amekuwa akifanya kila mwaka katika michezo tofauti ikiwemo mpira wa miguu na pia mchezo wa ngumi Ili kuendelea kuitangaza  Ngara kupitia michezo lakini pia na kuimalisha ushiriki wa jinsia zote Katika mambo ya kijamii.

ngaradc.go.tz