AFISA ELIMU MKOA MWL. LIGOLA AFANYA ZIARA WILAYANI NGARA

Wakati ilipowekwa: April 9th, 2024

NGARA LEO

Afisa Elimu Mkoa wa kagera Mwl Michael Ligola akiongozana na Maafisa Elimu taaluma Mkoa  Mwl Oscar Msabaha, Mwl. Simon Chibon na  Afisa Michezo Ndg Kepha Elias amefanya ziara  Wilayani Ngara

Lengo la ziara hiyo ufuatiliaji shuleni na kufanya Kikao kazi na Maafisa Elimu Msingi sekondari , TSC, Uthibiti ubora , Utamaduni michezo .Walimu Wakuu shule za Msingi, Maafisa Elimu Kata  na  walimu Wakuu shule za Msingi.

Afisa elimu mkoa Mwl Ligola ametembelea shule za msingi Ngara mjini, Murgwanza, Mumiterama na  shule za sekondari Murgwanza na   Mumiterama

aidha amepongeza ujenzi wa vyumba vya madarasa mazuri yaliyojengwa shule ya msingi Ngara mjini pia Mumiterama sekondari

Afisa Elimu elimu mkoa Mwl Michael Ligola baada ya ziara ya kutembelea shule za msingi na sekondari alifanya kikao kazi katika ukumbi wa Ngara sekondari uliopo Ngara mjini.

Washiriki wakiwa ni maafisa wote ngazi ya wilaya  elimu msingi, sekondari ,TSC, Uthibiti ubora na utamaduni  michezo.pamoja na walimu wakuu wa shule za msingi , maafisa elimu kata na wakuu wa shule.

Afisa elimu mkoa alisisitiza mkakati ifuatayo ya kuinua taaluma shuleni

1. Fomu taarifa  ya ufuatiliaji shuleni kila Ijumaa iwasilishe ofisi za elimu.
2. Madarasa ya 1 hadi 3 walimu wahakikishe wanapanda madarasa wakiwa wanajua KKK
3. Walimu wakuu wajipange kuhakikisha ufundishaji shuleni unafanyika
4. Siku za masomo kwa darasa la 7 na 4 wawe darasani saa 1.00 asbh
5. Kutoa chakula shuleni
6. Kamati za taaluma zikae  Kila wiki alhamis au ijumaa
7. Shule zote ziwe na bendi na mchaka mchaka 
8. Walimu kukamilisha muhtasari mapema

Afisa Elimu Mkoa Mwl Michael Ligola akiongea katika Kikao kazi kilichofanyika Ukumbi wa Ngara Sekondari.

Afisa Elimu Sekondari Mwl Enock Ntakisigaye akiwakaribisha viongozi  walioongozana na Afisa Elimu Mkoa wa kagera Mwl Michael Ligola.

Maafisa Elimu Kata , Wakuu wa shule na walimu Wakuu shule za Sekondari wakiwa kwenye Kikao kazi kilichofanyika Ukumbi wa Ngara sekondari.

Maafisa wa wilaya Kutoka Elimu Msingi , Sekondari, TSC, Kuthibiti Ubora wa shule na utamaduni michezo.

waliokaa mbele Maafisa Elimu Kata 22 Wilayani Ngara wakiwa kwenye Kikao kazi.

Afisa michezo Mkoa kagera alipotembelea kiwanja Cha michezo shule ya Msingi Ngara Mjini wakati wa ziara ya Afisa Elimu Mkoa Kutembelea shule hiyo.

Afisa elimu mkoa Mwl Michael Ligola akiongea na Wazazi shule ya Msingi Ngara mjini.

Ngaradc.go.tz