BODI YA SHIRIKA LA UTANGAZAJI TANZANIA (TBC TAIFA) YAFIKA KUJITAMBULISHA WILAYANI NGARA

Wakati ilipowekwa: November 19th, 2024

NGARA LEO

Leo tarehe 19/11/2024, Bodi ya Shirika la Utangazaji Tanzania - TBC Taifa, imefika Wilayani Ngara na kujitambulisha ofisini kwa DC Ngara Mhe Col Mathias Julius Kahabi.

Mwenyekiti wa Bodi hiyo Ndg Stephen Kagaigai akifuatana na Mkurugenzi Mtendaji wa Shirika la Utangazaji Tanzania - TBC Taifa, Dr Ayub Rioba ni miongoni wa Wajumbe wa Bodi hiyo waliofika Ofisini kwa Mhe Col Kahabi kwa Utambulisho.

Lengo kubwa la Ziara hiyo ni kuona changamoto za usikivu wa matangazo ya TBC Taifa zilizopo katika maeneo ya Wilaya zizopo pembezoni (Mpakani) mwa Nchi yetu, Wilaya ya Ngara ikiwemo.

Aidha, timu hiyo inaundwa pia na Wataalam wa Mifumo ya Utangazaji toka Makao Makuu ya Utangazaji Kanda ya Ziwa - Mwanza ili kuona aina ya uboreshaji unaotakiwa kufanyika katika siku za hivi karibuni.

 Maboresho hayo yakifanyika yatasaidia sana kuongeza ufanisi wa urushaji na usikivu wa matangazo ya TBC Taifa na hivyo kuondoa mwingiliano wa mawimbi ya Radio uliopo sasa na Nchi jirani tunazopakana nazo za Burundi na Rwanda.

Bodi ya TBC katika ziara yao tayari imeshatembelea Mikoa ya Songwe, Kigoma, Mbeya na sasa ipo Wilayani Ngara, Mkoa wa Kagera ambapo ndani ya Wilaya ya Ngara inatarajia kutembelea maeneo ya Rusumo, Rulenge, Kabanga na Murusagamba.

Ngara Kazi inaendelea..

www.ngaradc.go.tz