DC AFANYA UKAGUZI WA BARABARA KABANGA.NGARA

Wakati ilipowekwa: May 6th, 2024

NGARA LEO

Tarehe 06/5/2024.

Mhe Col Mathias Julius Kahabi DC Ngara, akifuatana na Kamati ya Usalama ya Wilaya, Wataalam, Wananchi na baadhi ya Wazee Maarufu wa Kata ya Kabanga  walifanya Ukaguzi wa Ujenzi wa barabara unaosimamiwa na TARURA - Ngara.

Akitoa taarifa ya mradi huo Meneja wa TARURA - Ngara, Eng Magori alisema mradi huo una urefu wa Mita 200 na  utagharimu zaidi ya Tshs million 83 na hadi sasa Mkandarasi DEKA Enterprises co.Ltd amelipwa kiasi cha Tshs million 21 ambapo kulingana na Mkataba Ujenzi huo unatarajiwa kukamilika tarehe 29/6/2024.

Kuhusu changamoto zilizoelezwa awali na baadhi ya Wananchi wa Kabanga ambapo mradi huo unatekelezwa, DC Kahabi aliwapa nafasi Wananchi hao kuuliza maswali toka kwa Meneja wa TARURA na Wataalam wake na majibu mazuri na ya kuridhisha yalitolewa kwa Wananchi hao.

Aidha, Mhe DC Kahabi aliwaagiza TARURA kuongeza kasi ya Ujenzi huo na kuhakikisha wanakamilisha ndani ya muda uliopo kwenye Mkataba.

ngaradc.go.tz