DC NGARA AENDELEA NA ZIARA KUTEMBELEA MIRADI YA MAENDELEO WILAYANI NGARA

Wakati ilipowekwa: October 5th, 2024

NGARA UPDATES

Leo tarehe 05/10/2024, DC Ngara Mhe Col Mathias Julius Kahabi akifuatana na KU Wilaya pamoja na Mwakilishi wa DED Ngara Ndg Solomon Kimilike wametembelea Mradi wa Maji Nyamiaga na Mradi wa Ujenzi wa Hospitali ya Wilaya iliyopo Kata ya Mbuba Tarafa ya Rulenge.

Mradi wa maji Nyamiaga  tayari umekamilika na hivi karibuni utafanyiwa uzinduzi na Mhe Damas Ndumbaro(mb) - Waziri wa Utamaduni Sanaa na Michezo. Mradi huo umegharimu kiasi cha Tshs bilioni 1.2 na utanufaisha Wananchi wa Kata za Nyamiaga na Murukilazo katika Tarafa ya Nyamiaga.

Aidha, Mhe DC Kahabi ametembelea na kukagua Ujenzi wa Hospitali ya Wilaya ya Ngara ambapo hatua za upauaji na skimming zinaendelea katika Majengo ya Mionzi na Jengo la Utawala. Majengo ya OPD, Maabara na Jengo mama na mtoto yanaendelea na hatua ya kuunganisha, kuwasha umeme na kuweka mifumo ya maji pamoja na finishing ndogo ndogo.

Ukaguzi wa Mhe DC Kahabi , KU Wilaya, DED na Wataalam toka Halmashauri ni zoezi endelevu ambapo siku ya Jumatatu tarehe 07/10/2024 , timu hiyo itakutana Ofisini kwa DC kwa ajili ya kufanya tathmini wa Miradi yote inayoendelea kutekelezwa katika hatua mbalimbali ndani ya Halmashauri ya Wilaya ya Ngara.

Mhe Col Kahabi Akiwa na viongozi aliofuatana nao katika hospitali ya Wilaya Mbuba.

Ngara Kazi inaendelea..

 www.ngaradc.go.tz