KIKAO CHA KWANZA CHA BARAZA LA MADIWANI, CHAFANYIKA NA MWENYEKITI ACHAGULIWA WILIBARD BAMBARA

Wakati ilipowekwa: December 2nd, 2025

Mkutano wa  Kwanza wa Baraza la Madiwani Wa Halmashauri ya Wilaya ya Ngara umefanyika katika ukumbi mpya wa Halmashauri ya wilaya ulipo  makao makuu Ngara mjini

Ambapo Mbunge Wa Jimbo la Ngara Mhe Doto Bahemu ameshiriki kikao cha Kwanza cha Baraza la Madiwani Wa Halmashauri ya Wilaya ya Ngara kilichotanguliwana mchakato Wa kumpata Mwenyekiti Wa Halmashauri na Makamu wake ambapo ameungana na Madiwani wenzake kupiga Kura na Kumchagua Mwenyekiti Wa Halmashauri na Makamu wake. Uchaguzi huo umesimamiwa na Katibu Tawala Wilaya Bi Hatujuani Ally  Lukari ambaye amewatangaza  Mhe Wilbard Bambara  kuwa Mwenyekiti Wa Halmashauri na Mhe Theofilda  William kuwa Makamu Wa Mwenyekiti Baada ya Kura kuhesabiwa.

Naye Mhe  Doto Bahemu Mbunge  amewapongeza Sana Madiwani kwa kuaminiwa kwa Kishindo na wananchi katika Kata zao na kuwasisitiza kuhakikisha wanakuwa sehemu ya Kutoa majawabu katika changamoto zinazowakabili wananchi huku wakikumbuka kila wakati kuwa Maendeleo ya Wilaya ya Ngara na wananchi wake yako mikononi mwao na yeye kama Mbunge akaahidi Kutoa ushirikiano Wa Hali na Mali Kwao na kushirikiana nao bega kwa bega na Madiwani pamoja na Baraza ili kuhakikisha Maendeleo yanapatikana, changamoto za wananchi zinatatuliwa kwa wakati sambamba na Kuimarisha ustawi Wa Jimbo la Ngara

Mgeni rasmi katika katika mkutano huo alikuwa Mhe Col. Mathias Julius Kahabi Mkuu wa Wlaya ya Ngara ambapo alisisitiza

Waheshimiwa Madiwani na viongozi kuwasikiliza matakwa ya wananchi  vijana wanawake na wazee na kutatua changamoto zao pia udhibiti wa magendo mipakani 

Kazi na utu tunasonga mbele