MAFUNZO YATOLEWA KWA WENYEVITI WA SERIKALI ZA VIJIJI, VITONGOJI NA WAJUMBE WA SERIKALI ZA VIJIJI WILAYANI NGARA

Wakati ilipowekwa: January 27th, 2025

NGARA UPDATES

27/01/2025

Mafunzo Ya kuwajengea uwezo viongozi wa serikali za vijiji yamefanyika katika ukumbi wa shule ya Sekondari Rhec iliyopo Rulenge.

Mafunzo hayo yameshirikisha viongozi wa serikali za  Vijiji  toka Tarafa za Murusagamba na Rulenge.

 Mgeni rasmi katika mafunzo hayo alikuwa Mkurugenzi wa Halmashauri ya Wilaya aliyewakilishwa na Ndg Bahati Adam (Afisa Utumishi)

Mafunzo yalitolewa na Wakufunzi kutoka Chuo Cha Serikali za Mitaa Hombolo , Aidha Viongozi Mbalimbali kutoka  Serikali kuu na  wataalam wa Halmashauri walishiriki ambao ni

Ndg. Ally Mikidadi kamanda TAKUKURU Wilaya, Ndg.Salehe Karchard Afisa Uhamiaji Wilaya Ndg. Novatus Kaindoa afisa ardhi Wilaya Pamoja na timu ya wataalum kutoka halmashauri ya wilaya.

Naye katika uwasilishaji mada Kamanda wa TAKUKURU Wilaya aliwasisitiza kwa wanamafunzo juu ya uadilifu na kuzingatia kanuni za uongozi Bora usiozingatia Rushwa .

Aidha Afisa Uhamiaji  alisisitiza juu ya madhara yatokanayo na wahamiaji haramu pia Afisa  ardhi alisisitiza matumizi Bora ya ardhi na kutatua migogoro ya ardhi kwa kuzingatia sheria za ardhi.

Lengo kuu la mafunzo hayo ilikuwa  ni kuwajengea uwezo viongozi waliochaguliwa wa Serikali ya vijiji ili waweze kuongoza kwa weledi, uadilifu na uwajibikaji. Mada mbalimbali zilifundishwa na wakufunzi kutoka Hombolo

Kamanda wa TAKUKURU Ndg Ally Mikidadi akiwasisitiza kwa wanamafunzo  Madhara ya Rushwa  katika Jamii.

Afisa Uhamiaji Wilaya Ndg Salehe akisisitiza wajumbe Madhara yatokanayo na Wahamiaji Haramu.

Mwakilishi wa Mkurugenzi Mtendaji wilaya Ndg Bahati Adamu (Afisa utumishi) akiongea na wanamafunzo katika ukumbi wa Rhec Sekondari.

Wakufunzi wa mafunzo  kutoka Hombolo wakiwa na viongozi mbalimbali  wa Halmashauri katika ukumbi wa Rhec Sekondari.

Afisa utumishi Halmashauri ya Wilaya Ndg Rutakinikwa Paschal akiwakaribisha wawezeshaji Mada kutoka Chuo cha serikali Hombolo Dodoma.

Kazi iendeleee

Ngaradc.go.tz