MBUNGE AZINDUA LIGI YA WILAYA SOKA

Wakati ilipowekwa: July 2nd, 2023

Mbunge wa Jimbo la ngara Mh. Ndaisaba Georger Ruhoro leo tarehe 02, July 2023 amezindua na Kufungua  Mashindano ya Ligi Daraja la nne Yenye THAMANI YA Shilingi Milioni Sita yaliyozikutanisha timu za MURUSAGAMBA Fc dhidi ya KUMUBUGA Fc ambayo pia yeye ndie mdhamini mkuu wa Mashindano hayo yaliyofanyika katika Uwanja wa Machinjioni uliopo Murusagamba.

  Akizungumza na Wananchi wapenda Michezo waliohudhuria Ufunguzi huo amewaomba vijana kujiepusha na Vitendo viovu vinavyoweza kuwaingiza  kwenye mambo ya uvutaji Bangi n.k. huku akiahidi kuendeleza, na kukuza Maendeleo ya Michezo jimboni kwake. 

Katika ligi hiyo Bingwa wake ataondoka na Zawadi ya Shilingi Milioni moja, jezi Seti moja, mpira na Kombe. Mshindi wa pili ataondoka na Laki Saba, Jezi seti moja, Huku mshindi wa Tatu akiondoka na shilingi laki tatu na Mpira mmoja.

Mfungaji bora shilingi laki moja

Mchezaji bora shilingi laki moja

Golikipa bora Shilingi laki moja

Timu yenye nidhamu Shilingi laki moja.