MKUU WA IDARA YA UTAWALA ,USIMAMIZI NA RASLIMALI WATU AFANYA KIKAO KAZI NA WATUMISHI WA HOSPITAL TEULE YA MURGWANZA WILAYANI NGARA

Wakati ilipowekwa: March 5th, 2025

NGARA UPDATES

05/03/2025

Mkuu wa Idara ya Utawala na Usimamizi na Raslimali watu Bi. Jenifer Mapembe alianza ziara tarehe 04/03/2025 kwa kutembelea Hospitali ya Nyamiaga   na kufanya kikao kazi na  watumishi wa Hospitali hiyo.

Leo Tarehe 05/3/2025 Mkuu huyo wa Idara akiongozana na Ndg Rutakinikwa Paschal - Afisa utumishi walipokelewa na Katibu wa Hospitali ya Murgwanza Ndg Andrew Nziko na kaimu Mganga Mkuu.

Lengo la kikao kazi ikiwa ni kukumbushana Majukumu ya kazi  na kujitambulisha , kufahamiana baada ya kuhamia wilaya ya Ngara.

 Bi Jenifer Mapembe  amefanya kikao kazi  na Watumishi wa Hospitali teule ya Murgwanza akisisitiza mambo mbalimbali  katika utumishi wa Umma ambayo  aliyafafanua kama ifutavyo,

Kufuata sheria ,kanuni na taratibu,Maadili ya kazi ,Haki na wajibu,kutoa huduma bila upendeleo,kufanya kazi kwa uadilifu,kuwajibika kwa Umma kwa kuwahudumia vizuri na kuwahi kazini.

Aidha aliendelea  kusisitiza matumizi sahihi ya taarifa kwenye taasisi,kutoa huduma nzuri  (Custamer Care ) kwa Wananchi , Utunzaji siri kwa Wagonjwa na ofisi pamoja na Matumizi mazuri ya teknolojia.

Aliendelea kuwasisitiza watumishi kuhakikisha wanautumia vizuri mfumo wa  upimaji utedaji kazi wa Serikali  PEPMIS  Kupendana na kushirikiana kazini . Mwisho aliwapongeza kwa kazi  nzuri

Naye Katibu wa Hospitali  hiyo amemshukuru  Mkuu huyo wa idara kwa 

Kuwatembelea na kuongea na watumishi ili kukumbushana mambo Mbalimbali ya kiutumishi.

Bi Jenifer Mapembe Mkuu wa idara ya utawala ,usimamizi na raslimali watu akiwa na Ndg Rutakinikwa Paschal na kaimu mganga mkuu hospital teule ya Murgwanza

Watumishi Hospital teule ya Murgwanza  wakiwa kwenye kikao kazi cha Mkuu wa Idara ya utawala ,usimamizi na Raslimsli watu.

www.ngaradc.go.tz