MKUU WA MKOA WA KAGERA AZINDUA MAFUNZO YA KWA WAANDISHI WA HABARI JUU YA UGONJWA WA MARBURG.

Wakati ilipowekwa: January 29th, 2025

NGARA UPDATES

Mkuu wa Mkoa wa Kagera, Mhe. Hajjat Fatma Abubakari Mwassa, amezindua rasmi semina ya mafunzo ya siku nne kwa waandishi wa habari wapatao 100, yenye lengo la kuwajengea uwezo wa kuandika na kuripoti kwa usahihi habari zinazohusiana na Magonjwa ya mlipuko, hususan ugonjwa wa Marburg. 

Katika hotuba yake akifungua mafunzo hayo, Mhe. Mwassa alisisitiza umuhimu wa waandishi wa habari kuwa na taarifa sahihi na za kina ili kuhakikisha umma unapata uelewa mzuri kuhusu hatua za kinga, kudhibiti hofu, na kuimarisha uhamasishaji wa afya ya jamii.

mafunzo haya yana lengo la  kuhakikisha vyombo vya habari vinakuwa wabia wa karibu wa sekta ya afya kwa kuwasilisha taarifa kwa usahihi na kwa namna inayosaidia kudhibiti hofu, kuongeza uelewa wa jamii, na kuchochea hatua za kinga dhidi ya magonjwa ya mlipuko. Wataalamu wa afya na washirika mbalimbali pia wanashiriki kuongoza mafunzo haya, yakitarajiwa kuleta matokeo chanya katika kupambana na changamoto za afya ya umma.

Jumla ya waandishi wa habari 100 kutoka radio Jamii wanachama wa TADIO na vyombo vyengine wanapatiwa mafunzo hayo.

Mafunzo hayo yameandaliwa kwa ushirikiano wa Shirika la umoja wa mataifa linaloshughulika na watoto duniani- UNICEF, Wizara ya Afya, Mtandao wa vyombo vya habari vya kijamii Tanzania - TADIO, na wadau wengine wa Maendeleo.

Ambapo mafunzo hayo ya siku nne yameanza leo  tarehe 28 Januari 2025 katika hoteli ya ELCT, Manispaa ya Bukoba.

www.ngaradc.go.tz