MKUU WA WILAYA AFANYA ZIARA YA KUTEMBELEA NA KUKAGUA MRADI WA UJENZI CHUO CHA UFUNDI( VETA ) RULENGE NGARA

Wakati ilipowekwa: October 24th, 2023

Mkuu wa Wilaya  Mhe. Col Mathias Julius Kahabi leo Jumanne Tarehe 24 October 2023 amefanya ziara ya Kutembelea na Kukagua mradi wa  Ujenzi wa Chuo Cha Ufundi (VETA) kilichopo katika Mamlaka ya Mji Mdogo wa Rulenge.

Katika ziara hiyo amefuatana na Kamati ya Usalama ya Wilaya na Watalaam toka Halmashauri  ambapo wameridhishwa na Maendeleo ya Ujenzi huo ambao upo hatua ya kwanza awamu ya  Ujenzi huo ambao utagharimu kiasi cha TShs 280,000,000/= na kukamilisha majengo tisa(9) hatua ya misingi. Majengo ni pamoja na jengo la utawala, madarasa, karakana, nyumba ya Mkuu wa Chuo pamoja na Vyoo.

 Kwa heshima na Unyenyekevu mkubwa Mhe  Mkuu wa wilaya Col Mathias Julius Kahabi amempogeza Rais wa Jamhuri ya Muungano wa Tanzania Mhe. Dkt Samia Suluhu Hassan kwa kuridhia fedha nyingi kutumwa Wilayani Ngara kwa ajili ya Ujenzi wa Chuo hicho katika Mji Mdogo wa Rulenge.             

Aidha, kwa namna ya kipekee  Mhe Mkuu wa Wilaya  amempogeza pia Mbunge wa Jimbo la Ngara Mhe Ndaisaba George Ruhoro kwa kusimamia vema upatikanaji wa fedha za Kujenga Chuo hicho katika Kijiji cha Murugaragara, Mji mdogo wa Rulenge.

ngaradc.go.tz