OCD AENDELEA NA ZOEZI LA UTOAJI ELIMU KWA JAMII KUACHANA NA TABIA YA KUJICHUKULIA SHERIA MKONONI WILAYANI NGARA

Wakati ilipowekwa: October 10th, 2024

NGARA UPDATES

Leo tarehe 10/10/2024, Kamanda William Solla  OCD Ngara ameendelea na zoezi la Utoaji Elimu kwa Wananchi wa Wilaya ya Ngara kuhusu kujiepusha kujichukulia sheria mkononi na hivyo kupelekea matukio mbalimbali ya mauaji kwa jamii.

OCD kamanda William ameendelea kutoa Elimu hiyo kwa jamii katika Kata ya keza Tarafa ya Rulenge . Aidha  katika zoezi hilo Elimu kubwa imetolewa kwa jamii kuhusu Jamii Kuacha Kujichukulia Sheria Mkononi, Kuthibiti Migogoro Ya Kifamilia Inayosababisha Mauaji, Kuacha Kunywa Pombe Masaa Yote Toka Asubuhi Hadi Jioni na Jamii Kutoa Taarifa Zenye Viashiria Vya Makosa Ya Jinai.

OCD kamanda William  anaendelea na zoezi la  kutoa katika Kata zote 22 za Wilaya ya Ngara na  mpaka sasa tayari ameshatoa Elimu katika Kata za NTOBEYE, BUKIRIRO, MABAWE, BUGARAMA, MBUBA, MURUSAGAMBA, NYAKISASA , NYAMIAGA(KUMUYANGE)  na KANAZI. Zoezi hilo ni endelevu ili kuhakikisha Matukio Wanapungua Kama Siyo Kumalizika/kuisha Kabisa

Aliyetoa Elimu hiyo  kamanda SP William Sola  OCD NGARA akiwa na Viongozi mbalimbali akiwemo Afisa Tarafa Rulenge, Diwani kata ya keza,  Watendaji kata na Vijiji.

KamandaWilliam Solla  OCD Ngara akiendelea na vikao vya utoaji Elimu Kwa jamii.

Ngara Kazi inaendelea..

www.ngaradc.go.tz