Ongezeni Vitendeakazi Wakulima Wasipoteze Muda Vituoni; Ndugu Bahama

Wakati ilipowekwa: August 15th, 2018

Chama cha Ushirika cha Ngara Farmers Corporative katika Halmashauri ya Wilaya ya Ngara, kimeagizwa kuongeza vitendea kazi vya kununua kahawa ili wakulima wasitumie muda mrefu katika kituo cha kuuzi kahawa yao.

Agizo hilo limetolewa na Mkurugenzi Mtendaji wa Halmashauri ya Wilaya ya Ngara Ndugu Aidan John Bahama, alipotembelea vituo vya kununulia kahawa Agosti 13, 2018, kujiridhisha na utaratibu wa kununua kahawa hiyo.  

“Kila mwanachi aliyepima kahawa hakikishe anaondoka na fedha yake; mwaka huu hatutachukua kahawa ya mkulima bila kumlipa haki yake, nyinyi makarani hakikisheni mnawatedea haki wananchi sitaki malalamiko yasiyokuwa ya lazima.” Alisema Mkurugenzi Mtendaji Bahama.

Amewaambia wananchi kwamba ikitokea hawakuapata malipo yao, wamtaarifu kwa namba ya simu aliyowapatia, huku akisisitiza wazee kuuza kahawa yao kwanza na vijana wafuate baadae.

Akijibu malalamiko ya wakulima hao katika vijiji vya Mgoma, Mwivuza na Chivu alivyotembelea, amewaambia kwamba mwaka huu serikali imejipanga kununua kahawa; hivyo, minzani na makarani wataongezwa ili kufanikisha huduma hiyo.

Aidha, amewasiliana na wakala wa vipimo mkoani Kagera kujua hatima ya minzani iliyoaribika itatengamaa lini, ili zoezi la kununua kahawa lisikwame, wakala wa vipimo ameahidi kulitatua haraka tatizo hilo.

Hata hivyo, wakulima wamefurahishwa na kitendo cha kulipwa fedha yao mara tu baada ya kupima, na kumuahidi Mkurugenzi Mtendaji kwamba watakiuzia chama cha ushirika kahawa yao yote, kwani madai chama hicho hakina mizengwe.

Chama cha Ushirika cha Ngara Farmers Corporative, kimeanza kununua kahawa rasmi Agositi 12, 2018 katika msimu huu, huku kikiwafurahisha wananchi kwa malipo ya papo kwa papo na kuahidiwa kuuziwa kahawa nyingi zaidi msimu ujao.