TEMBO NICKEL WAFANYA MATENDO YA HURUMA KWA WAFUNGWA - NGARA

Wakati ilipowekwa: November 1st, 2024

NGARA UPDATES

Leo tarehe 08/11/2024, Uongozi wa Tembo Nickel wakiongozwa na Meneja Mahusiano wa Mradi huo Ndg Moses Rusasa wamefika Ofisi ya DC Ngara, Mhe Col Mathias Julius Kahabi na kukabidhi vifaa mbalimbali kwa ajili ya Wafungwa wa Gereza la Wilaya ya Ngara.

Akitoa maelezo ya kukabidhi vifaa hivyo Ndg Moses Rusasa amesema mbali na tukio la kukabidhi vifaa hivyo siku ya leo walikuwa na matukio mengine matatu ambayo ni kukabidhi maduvet 28 - Kituo cha afya Bukiriro na Mapazia 50 kwa ajili ya OPD ambayo alikabidhiwa Katibu Tarafa ya Rulenge Ndg Stephen Mtakasimba.

Aidha, kwa upande wa vifaa vilivyokabidhiwa Mhe DC Col Mathias Kahabi na baadae kwa Mkuu wa Gereza Ngara ni pamoja na Mabranketi - 40, Magodoro - 30, Sabuni, Mafuta ya kujipaka na Sukari.

Mhe DC Mathias Kahabi kwa niaba ya Wananchi wa Wilaya ya Ngara wanatoa pongezi nyingi CEO - Tembo Nickel Ndg Benedict Busunzu na Menejimenti nzima ya mradi huo kwa kuendelea kufanya matendo ya huruma kwa Wahitaji wakiwemo na watoto yatima.

Ngara Kazi inaendelea.

www.ngaradc.go.tz