ZIARA YA WAJUMBE WA KAMATI YA FEDHA, UTAWALA NA MIPANGO KUTEMBELEA MIRADI ILIYOTEKELEZWA ROBO YA PILI 2019/2020

Wakati ilipowekwa: February 12th, 2020

Kamati ya Fedha,Utawala na Mipango ya Halmashauri ya Wilaya ya Ngara ilifanya ukaguzi wa miradi ya Maendeleo inayotekelezwa katika robo ya pili ya mwaka 2019/2020.Katika ziara hiyo miradi ya Makugwa shule ya Msingi, Bukiriro Sekondari na Shule ya Sekondari Mumiterama.

Mradi wa Shule ya Msingi Makugwa unahusisha ujenzi wa vyumba vitano vya madarasa,jengo la utawala na nyumba ya walimu ambazo ziko katika hatua ya ukamilishaji.

Mradi wa Shule ya Sekondari ya Bukiriro unahusisha mabweni ya wasichana,vyoo matundu sita na bwaro la chakula.

Katika shule ya sekondari Mumiterama kuna ukamilishaji wa vyumba vitatu vya maabara,ujenzi wa jingo la Utawala ,ujenzi wa nyumba za walimu na ujenzi wa matundu sita ya vyoo vya wavulana.

Aidha, Kamati hiyo ilipongeza juhudi zinazofanywa na wakandarasi na kuwaomba waongeze kasi ili waweze kukamilisha ujenzi huo ndani ya muda husika uliopangwa.

Miradi hiyo yote inafadhiliwa na Benki Kuu ya Dunia chini ya LADP.