BAADA YA KUFIKA KURIPOTI OFISI YA DC KAMPENI YA MSAADA WA KISHERIA YA MAMA SAMIA YAANZA KUSAIDIA WANANCHI WILAYA YA NGARA

Wakati ilipowekwa: April 15th, 2025

NGARA UPDATES

15/04/2025

 Kampeni hiyo  iliyozinduliwa Mkoa wa kagera tarehe 14/04/2025 na Waziri wa sheria na Katiba Mhe Dr  Damas Ndumbaro Mjini Bukoba zoezi linalotekelezwa kwa wilaya zote  za Mkoa wa Kagera.

 Kampeni hii inatokana na Azma ya Rais wa Jamhuri ya Muungano wa Tanzani  Mhe Dkt Samia Suluhu Hassan kuimarisha mfumo wa kutatua changamoto zunazowakabiri wananchi bila kusubiri kuwasilisha changamoto wakati wa ziara za viongozi wa kitaifa.

Ilielezwa Lengo la  kampeni  kulinda Kukuza  na kuimalisha upatikanaji wa  haki kwa watu wote kupitia huduma  ya msaada wa kisheria.

Aidha katika wilaya ya Ngara zoezi hili linaanza tarehe 15/04/2025  hadi 23/]4/2025. ambapo  Jumla ya kata 10  vijiji 30 watafikiwa.

Kata zitakazotembelewa ni  Bugarama, Rulenge, Muganza, Murusagamba, Nyakisasa, Rusumo,

Kasulo, Murukulazo, Kabanga na Ngara mjini.

Wataalam watakaohusika  katika utekelezaji wa kampeni ni  Mratibu kutoka wizara ya katiba na sheria, Afisa maendeleo ya Jamii, Mwanasheria wa Hamashauri, Afisa Ardhi, Mwanasheria kutoka chama cha Tanganyika , Afisa dawati Jinsia,Afisa ustawi wa Jamii,Wasaidizi wa kisheria, Maafisa toka dawati la msaada wa kisheria na Mwandishi wa Habari

Leo wamefika ofisi ya  Mhe Col Mthias J kahabi Dc  pia Ofisi ya Mkurugenzi Mtendaji Wilaya kujitambulisha na kuanza kazi hiyo.

Aidha  Ndg Emmanuely kulwa mkuu  wa Idara ya  Maendeleo ya Jamii ambaye kaimu DED  anawaalika wananchi wenye changamoto wafike watasaidiwa.

Naye Mhe Col Mathias J kahabi  Dc Ametoa wito kwa wananchi kufika katika maeneo  hayo yatakayotembelewa na wataalam kupata elimu ya sheria  pamoja na  huduma ya Msaada wa kisheria kwenye maeneo yote ya migogoro ya ardhi .mirathi, ukatili  ndoa nk. wajitokeze kwa wingi  kupata huduma hii inayotolewa kwa wananchi bila gharama. Alimalizia kwa kumpongeza  Dkt Samia Suluhu Hassan  Rais wa Jamhuri ya Muungano wa Tanzania kwa kuanzisha utaratibu wa kuwasaidia wananchi.

Timu hiyo ilipofika pia  ofisi ya Mkurugenzi Mtendaji Halmashauri ya Wilaya

www.ngaradc.go.tz