DC NGARA MHE COL MATHIAS KAHABI AFANYE KIKAO CHA KAMATI YA USHAURI WA KODI CHA WILAYA.

Wakati ilipowekwa: August 27th, 2025

Leo tarehe 27/8/2025, DC Ngara Mhe Col Mathias Julius Kahabi amefanya Kikao cha Kamati ya Ushauri wa Kodi cha Wilaya ambapo yeye na Viongozi wenzake wamejadiliana mambo mbalimbali kuhusu kuboresha mazingira ya ukusanyaji Kodi, kudhibiti biashara haramu ya magendo kupitia mipaka yetu na nchi jirani pamoja na utoaji elimu kwa wafanyabiashara kulipa Kodi bila shuruti, matumizi ya mashine za EFD  pamoja na changamoto zinazowakabiri wafanyabiashara wetu katika maeneo yao ya biashara.

Aidha, Viongozi mbalimbali wakiwemo Mkurugenzi wa H/W Ngara ndg Solomon Kimilike, Meneja TRA Wilaya Ndg Victor Kibasa, Mwenyekiti wa Jumuiya ya Wafanyabiashara Wilaya Ndg Crispin Kamugisha, Katibu tawala wa Wilaya Bi. Hatujuani Lukari, wajumbe wa Kamati ya Usalama ya Wilaya na wajumbe wengine wa Kamati hiyo walitoa ushauri na hatimaye maazimio kuhusu namna ya kumaliza changamoto zinazowakabiri wafanyabiashara na mikakati ya pamoja ya kuongeza ufanisi katika ukusanyaji wa mapato Wilayani Ngara.

Ngara Kazi inaendelea

www.ngaradc.go.tz