KAIMU DED AFUNGUA MAFUNZO ELEKEZI KWA WATUMISHI AJIRA MPYA ZAIDI YA 230 WILAYA YA NGARA

Wakati ilipowekwa: July 8th, 2025

NGARA UPDATES

 8/07/2025

Kaimu Mkurugenzi Mtendaji Halmashauri ya Wilaya Bi Jenifer J. Mapembe ambaye ni Mkuu wa Idara ya Utawala na Usimamizi wa Rasilimali watu alifungua mafunzo elekezi kwa watumishi  ajira mpya 2024/2025 katika ukumbi wa St. Francis Ngara Mjini.

 Kaimu huyo Bi Jenifer amemshukuru  Dkt Samia Suluhu Hassan Rais wa Jamhuri ya Muungano  kwa wilaya kuletewa watumishi  kwa idara Mbalimbali zaidi ya 230 kwa mwaka 2024/2025.

 Aidha Bi Jenifer alieleza kuwa  Mafunzo hayo ni takwa la kisheria ambayo yamebainishwa kwenye kanuni za kudumu za utumishi wa umma za mwaka 2009 kifungu G.1(8).Alifafanua kwamba Watumishi hao watapata Nasaha toka kwa viongozi wa Serikali Kuu ambao ni Katibu Tawala wilaya, kamanda wa TAKUKURU , Afisa Uhamiaji na Usalama wa Taifa pia Serikali za Mitaa ( wakuu wa Idara)

Bi Jenifer alisema mada mbalimbali zitafundishwa na wakufunzi mahili toka Chuo cha Serikali za Mitaa Hombolo aliendelea kwa kutaja mada zitakazo fundishwa ambazo ni

1.Mfumo wa Serikali za Mitaa.

2.Sheria zinazosimamia utumishi wa UMMA ,HAKI NA WAJIBU KWA MTUMISHI.

3.Maadili ya Mtumishi wa UMMA

4.Taratibu za kiofisi ,usimamizi wa kumbukumbu na Mawasiliano katika utumishi wa UMMA,

5.Usimamizi wa utendaji  katika utumishi wa UMMA (PEPMIS)

6.Huduma kwa Mteja

7.Masuala Mtambuka ( uongozi na utawala bora ,mapambano dhidi ya Rushwa, mazingira , UKIMWI mahala pa kazi na masuala ya kijinsia)

Baada ya maelezo hayo Bi Jenifer aliwataka washiriki wote kuwa wasikivu na kuhakikisha wanazingatia yote yatakayofundishwa kisha  alifungua rasmi Mafunzo hayo.

Kaimu Ded Bi Jenifer Mapembe akifungua mafunzo elekezi kwa watumishi ajira Mpya 2024/2025

Watumishi Ajira Mpya wakiwa kwenye mafunzo Elekezi katika ukumbi wa St francis Ngara Mjini

Katibu Tawala Wilaya Bi Hatujuani A. Lukali akitoa Nasaha kwa watumishi waajiriwa wapya 2024/2025

Mkufunzi toka Chuo cha Serikali za Mitaa Hombolo akifundisha watumishi wa ajira mpya katka ukumbi wa St francis Ngara Mjini.

Mwl Mkude akiongea na watumishi ajira mpya katika ukumbi wa st francis Ngara Mjini

Kamanda wa Takukuru wilaya Ndg Ally Mikidadi  akitoa mafunzo  dhidi ya Rushwa

Afisa elimu Msingi Mwl James Ling'hwa akitoa Nasaha

Kaimu Ded Bi Jenifer Mapembe akiongea na wanamafunzo  kulia ni katibu Tawala wilaya Bi Hatujuani A Lukali na kushoto ni Ndg Bahati Marco Afisa Utumishi

Mganga Mkuu Wilaya Dr Deogratias Mlandali akitoa Nasaha

Wawezeshaji toka chuo cha serikali za mitaa Hombolo

Mwezeshaji mafunzo ndg Kweyamba Maxmilian kutoka chuo cha Hombolo akiwa na Dr David S Mapunda

www.ngaradc.go.tz