Taarifa ya mlipuko wa bomu uliotokea kwenye shule ya msingi Kihinga Tarehe 08 Novemba 2017

Wakati ilipowekwa: November 17th, 2017

Mkurugenzi mtendaji wa Halmashauri ya wilaya Ndg Aidan John bahama ametoa taarifa ya mlipuko wa bomu uliotokea kwenye shule ya msingi Kihinga Tarehe 08 Novemba 2017. Aidha amewashukuru wote waliojitoa kwa hali na mali katika wakati huu mgumu ndani ya wilaya yetu. Pia alieleza hatua mbalimbali zilizochukuliwa na ofisi yake kuwa ni pamoja na kushirikiana na taasisi nyingine za serikali na binafsi kuhakikisha afya za wahanga wa tukio hilo zinaimarika, kutoa ushauri nasaha kwa wanafunzi, walimu na wazazi ili kuwajenga kisaikolojia.

Tarehe 08/11/2017 saa 2.40 asubuhi kulitokea mlipuko wa bomu kwenye shule ya msingi Kihinga iliyoko kwenye kata ya Kibogora.

Bomu hilo lilipukia mbele ya chumba cha darasa la kwanza wakati wanafunzi wanaendelea na mtihani wa kufunga mwaka wa somo la kusoma.  Bomu lilipolipuka mwalimu alikuwa darasani akitahini wanafunzi kwenye somo tajwa. Wanafunzi walikuwa wamejipanga mstari mlangoni  nje ya chumba cha mtihani wakiingia mmoja mmoja.

Inasadikiwa kuwa bomu lililolipuka lilikuwa limebebwa na mwanafunzi Julian Trasis ambaye ni mmojawapo wa wanafunzi watatu waliofariki papo hapo. Kwa maelezo ya majeruhi, bomu hilo aliliokota akiwa njiani kwenda shuleni.

Mlipuko huo wa bomu umesababisha madhara yafuatayo:

• Vifo.

Wanafunzi watano (5) walifariki. Watatu (3) walifariki pale pale shuleni. Wawili (2) walifia hospitalini Rulenge wakiwa wanapewa huduma. Wanafunzi wote waliofariki ni wavulana na walikuwa wanasoma darasa la kwanza (I)

Majina ya marehemu hao ni: 

• Julian Trasis
• Evath Theonas
• Edson Bigilimana
• Tumsifu Ruvugo
• Miburo Gabriel

Wanafunzi watatu (3)  (namba i – iii) ambao walikufa pale pale walizikwa siku hiyo  tarehe 08/10/2017 na wanafunzi wawili (2) (namba iv na v) walizikwa tarehe 09/10/2016.

• Majeruhi.
• Majeruhi, wanafunzi arobaini na watatu (43) na mwalimu wao Policalipo C. Alipo walilazwa hospitalini Rulenge. Mpaka tarehe 17.11.2017 wamebaki wanafunzi kumi na wawili (12) kati yao wanafunzi wawili (2) watapelekwa Hospitali ya Kagondo huko Bukoba kwa ajili ya kuonana na madaktari wa mifupa na mmoja (1) anategemewa kupelekwa Hospitali ya KCMC kwa ajili ya matibabu zaidi ya macho.
• Miundo mbinu.

 Mlipuko huo umeathiri ubaraza wa chumba cha darasa la kwanza kwa kutoboa mabati.

Kwa shughuli zote zilizofanyika, fungua kiambatanisho hiki 

Taarifa ya mlipuko wa bomu katika shule ya msingi Kihinga.pdf