BANKI YA CRDB YAKABIDHI MADAWATI SHULE YA MSINGI NGARA MJINI WILAYANI NGARA.

Wakati ilipowekwa: November 30th, 2023

Uongozi wa  Benki ya CRDB Tarehe 29/11/2023 ulikabidhi  Madawati  yatakawasaidia  zaidi ya wanafunzi 105..

Akitoa taarifa fupi ya shule ya Msingi Ngara Mjini Mwalimu Mkuu Catherine Heri alisema kupatikana Kwa Madawati hayo kutaondoa upungufu uliokuwepo   shuleni. Amewashukuru Benki Kwa ufadhili wa Madawati hayo.

Nae Meneja Mahusiano wa Kanda Bi Joyce Maruba alisema kuwa wanamuunga mkono Mhe Rais wa Jamhuri ya Muungano wa Tanzania Dkt. Samia Suluhu Hassan Kwa Juhudi kubwa anazozifanya za kuwaletea Maendeleo watanzania.

Akipokea Madawati hayo Diwani kata ya Ngara Mjini Mhe Kennedy Festo  kwa niaba ya Mkuu wa Wilaya ya Ngara Mhe Kanali Mathias Julius Kahabi aliwashukuru Banki ya CRDB Kwa kutoa Madawati yatakayokaliwa na wanafunzi Zaidi ya 105. Aidha alimtakia meneja huyo wa Kanda kuendelea kusaidia shule Mbalimbali zilizopo Wilayani Ngara.

Nae Afisa elimu Msingi Bi Josline Bandiko Kwa niaba ya Mkurugenzi Mtendaji wa Halmashauri ya Wilaya  aliwashukuru uongozi wa Bank ya CRDB Kwa kutoa Madawati yatakayowasaidia wanafunzi wa shule hiyo aliendelea Kwa kusema "moyo usio na shukrani hukausha mema yote" alimshukuru na kuwaomba kuendelea kurudisha fadhila Kwa jamii kupitia shule Kwa sababu inagusa sehemu kubwa ya jamii.

Nae Meneja wa CRDB Ngara Ndg. Elicana  aliwashukuru uongozi wa  Halmashauri Kwa ushirikiano Uliopo na kuahidi kuendelea kusapoti shughuli za maendeleo wilayani Ngara.

Diwani wa kata ya Ngara Mjini Mhe, Kennedy Festo Kwa niaba ya Mhe Mkuu wa Wilaya ya Ngara Kanali Mathias Julius Kahabi akikabidhi Madawati Kwa Afisa Elimu Msingi Bi Josline Bandiko Kwa niaba ya Mkurugenzi Mtendaji Halmashauri ya Wilaya ya Ngara

Afisa elimu Msingi Bi  Josline Bandiko  akimkabidhi Madawati  Mwalimu Mkuu shule ya Msingi Ngara Mjini Bi Catherine  Heri

Meneja CRDB Ngara Ndg Elikana kutoka kushoto, Meneja CRDB Kanda Bi Joyce Maruba, Mhe Kennedy Festo Diwani Ngara Mjini na Afisa elimu Msingi Bi Josline Bandiko katika hafla ya makabidhiano ya Madawati shule ya Msingi Ngara Mjini

Wanafunzi wa shule ya Msingi Ngara Mjini wakiwa wamekalia Madawati yaliyotolewa na Banki ya CRDB

ngaradc.go.tz