CHAFANYIKA KIKAO KAZI CHA TATHIMINI YA UTEKELEZAJI WA AFUA ZA LISHE - 2025 WILAYANI NGARA

Wakati ilipowekwa: September 26th, 2025

NGARA UPDATES

26/07/2025

Kimefanyika kikao kazi cha tathimini ya Utekelezaji wa Mkataba wa Afua za  Lishe katika ukumbi  Mdogo wa  Mkuu wa Wilaya na  kimefunguliwa na Mwenyekiti  Bi Hatujuani A Lukari  Katibu Tawala Wilaya  kwa niaba ya Mhe Mkuu wa Wilaya. 

Kikao hicho kimehudhuliwa na Bi Vivian Maruhe Kaimu Mkuu wa idara ya utawala na usimamizi wa rasilimali watu , Bi Jasmin Abas - kaimu  Mkuu wa  Idara ya Mipango na uratibu, Baadhi ya wakuu wa idara na vitengo  pamoja na Maafisa watendaji kata 22 za wilaya ya Ngara.

Ndg Leonard Kepa Afisa Lishe wa Halmashauri  aliwasilisha taarifa  za Afua za Lisha  ya wilaya   kwa shughuli zilizotekelezwa kwa robo ya April - June 2025.

Katika kikao hicho  Mwenyekiti aliwaasa Maafisa watendaji kuhakikisha wanafuatilia  afua za lishe katika maeneo yao ya kazi. Pia alisisitiza  wawe wanashiriki katika siku ya Afya na Lishe   kwenye vijiji vilevile aliwaasa Maafisa watendaji  juu ya  utoaji wa Elimu ya ulaji  makundi 6 ya vyakula.

Ngara kazi inaendelea.