DC NGARA AFANYA ZIARA KUKAGUA MIRADI INAYOTARAJIWA KUZINDULIWA NA MWENGE 2024

Wakati ilipowekwa: August 16th, 2024

Leo tarehe 16/8/2024, Mhe Col Mathias Julius Kahabi DC Ngara amefanya ukaguzi wa Miradi itakayokaguliwa, kuzinduliwa na kuwekewa mawe ya msingi na Mwenge wa Uhuru Mwaka 2024.

Mhe DC Col Kahabi , katika ukaguzi huo alifuatana na Kamati ya Usalama ya Wilaya, Wakuu wa Taasisi za Serikali(TARURA na RUWASA), Wakuu wa Idara na Vitengo/Wataalam toka Halmashauri wakiongozwa na Ndg Solomon Kimilike Mkurugenzi Mtendaji Wilaya Ngara, Mratibu wa Mwenge wa Wilaya Mwl Said Salum, Watendaji wa Kata wa Maeneo husika na Miradi hiyo pamoja na Wataalam wa Miradi inayosimamiwa na NELSAP - LADP.

Mhe Col Mathias Kahabi kwa namna ya kipekee kabisa amempongeza na kumshukuru Mhe Hajjat Fatuma Abubakar Mwassa -  Mkuu wa Mkoa Kagera kwa Maelekezo mazuri ambayo aliyatoa tarehe 26/7/2024 wakati wa ziara ya Kukagua Miradi hiyo Wilayani Ngara.

Maelekezo ya Mhe Mkuu wa Mkoa yanafanyiwa kazi na kwamba changamoto ndogo ndogo zilizokuwepo sasa zinaendelea kufanyiwa  marekebisho na kuchukuliwa hatua stahiki.

Ngara Kazi inaendelea..

Ngaradc.go.tz