DC NGARA AHAMASISHA VIJANA BODABODA KUJITOKEZA KESHO KUPIGA KURA

Wakati ilipowekwa: October 28th, 2025

Mkuu wa wilaya Ngara Kanali Mathias Kahabi amewaasa bodaboda maarufu kama maafisa usafirishaji kujitokeza kwa wingi katika zoezi la upigaji kura kesho October 29, 2025 kwenye vituo vyao walivyojiandikisha ili kutimiza haki yao msingi ya kikatiba.

Kahabi ameyasema hayo leo Oktoba 28, 2025 wakati akizungumza na maafisa usafirishaji wilayani humo ambapo amesema kila kijana anao wajibu wa kujitokeza kwa wingi kupiga kura katika vituo mbalimbali walivyojiandikisha  ili kuhakikisha wana mchagua kiongozi atakae wasaidia kuleta maendeleo kwa kipindi chote cha miaka mitano.

Katika hatua nyingine Mkuu wa wilaya huyo amewataka maafisa usafirishaji kufuata sheria na kanuni za barabarani iili kuepukana na ajali zisizokua na ulazima.

Ngara Kazi inaendelea.