DC NGARA COL MATHIAS J KAHABI ATEMBELEA SHULE YA MSINGI MUGOMA BAADA YA KUEZULIWA NA UPEPO MKALI

Wakati ilipowekwa: March 6th, 2025

NGARA UPDATES

06/03/2025 

DC Ngara Mhe Col Mathias Julius Kahabi akifuatana na Mwakilishi wa DED Ndg Josephat Sangatati pamoja na Viongozi mbalimbali na watalaam toka H/W Ngara leo tarehe 06/3/2025, walitembelea S/Msingi iliyoezuliwa na upepo mkali tarehe 05/3/2025 , majira ya saa 11 jioni.

Upepo mkali uliezua madarasa mawili na ofisi  ya shule hiyo ambapo watoto walikuwa wamerudi nyumbani baada ya muda wa masomo yao ya kutwa kumalizika. Hakuna madhara kwa binadamu yaliyotokea zaidi ya miundombinu muhimu ya shule kuharibika ikiwemo choo  ambayo iliangukiwa na paa la darasa lililoezuliwa na upepo.

Mhe DC Col Kahabi anatoa pongezi nyingi kwa Mkurugenzi Mtendaji wa H/W Ngara Ndg Solomon Kimilike kwa kuchukua hatua za haraka kutuma timu ya watalaam ambayo imefanya tathmini ya hasara iliyotokea na kuielekeza kuanza kurejesha miundombinu hiyo haraka iwezekanavyo.

Mhe Col  Kahabi  alipofika shule ya msingi Mugoma baada ya kuezuliwa akiongea na wataalam toka Halmashauri ya wilaya kufanya tathmini  ya uaribifu ulitokea

Mhe Col Kahabi akiangalia uharibifu uliyotokea shule hiyo.

Ngara Kazi inaendelea..

www.ngaradc.go.tz