DC NGARA MHE.COL. MATHIAS KAHABI , AFANYA ZIARA YA KUTEMBELEA BARABARA YA KIUSALAMA - MPAKA WA TANZANIA NA BURUNDI

Wakati ilipowekwa: March 28th, 2025

NGARA UPDATES

28/03/2025

Mhe Col Mathias Julius Kahabi DC Ngara akifuatana na Kamati ya Usalama ya Wilaya, Meneja ya TARURA Wilaya Eng Magori, Watalaam toka Ofisi ya TARURA pamoja na Viongozi wa Serikali wa Vijiji vya Muganza, Kibogora, Bukiriro na Rulenge  tarehe 27/03/2025 walifanya ziara ya kukagua Barabara ya Kiusalama katika mpaka  wa Tanzania na Burundi unaotenganishwa na mto Ruvuvu.

 Mhe DC Kahabi kwa niaba ya wananchi wa Wilaya ya Ngara anatoa pongezi nyingi kwa Mhe Dr Samia Suluhu Hassan - Rais wa Jamhuri ya Muungano wa Tanzania kwa kutuma pesa nyingi zinazoendelea kuboresha miundombinu ya barabara za vijijini zinazosimamiwa na TARURA. 

Hali ya Barabara hizo ni nzuri na zinaendelea kutengenezwa ili kuungainisha wananchi vijijini waweze kufanya shughuli zao za kiuchumi ikiwemo kusafirisha mazao yao kwenda kwenye masoko bila changamoto yoyote.

Aidha, DC Ngara Mhe Kahabi amemwagiza Eng Magori - Meneja TARURA Ngara kuweka kipaumbele katika matengezo ya barabara za kiusalama kurahisha shughuli za kiulinzi na Usalama wa mpaka wetu na jirani zetu.

Ngara Kazi inaendelea....

www.ngaradc.go.tz