KARIBU KAGERA MWENGE WA UHURU

Wakati ilipowekwa: September 7th, 2025

Leo Septemba 07, 2025

Mwenge wa Uhuru umepokelewa katika Viwanja vya Shule ya Sekondari Nyakabango Wilayani Muleba ili kuanza mbio zake katika Mkoa wa Kagera ukitokea Mkoa wa Geita.

Akiongoza mapokezi hayo Mkuu wa Mkoa wa Kagera Mhe. Hajjat Fatma Mwassa  amesema Mwenge wa Uhuru ukiwa Mkoa wa Kagera Utakimbizwa umbali wa Kilomita 1,040 na utatembelea, utazindua, utafungua na kuweka mawe ya Msingi katika Miradi 58 yenye thamani ya shilingi bilioni 23.8.

Mwenge wa Uhuru utakimbizwa katika Halmashauri zote nane ambazo ni Muleba, Bukoba Vijijini, Bukoba Manispaa, Missenyi, Kyerwa, Karagwe, Ngara na Biharamulo.

Mwenge wa Uhuru unatarajiwa kuhitimisha mbio zake tarehe 15 Septemba 2025  na kukabidhiwa katika Mkoa wa Kigoma.

Kauli mbiu ya Mwenge wa Uhuru 2025 ni "Jitokeze Kushiriki Uchaguzi Mkuu wa  Mwaka 2025 kwa Amani na Utulivu".