MADAKTARI BINGWA WA RAIS SAMIA WAREJESHA MATUMAINI YA MTOTO WA MIAKA KUMI NGARA

Wakati ilipowekwa: November 6th, 2024

NGARA UPDATES

Mtoto wa miaka  10 aliyeteseka na uvimbe kinywani kwa zaidi ya miaka sita (6) kwa kukosa fedha za kufanyiwa upasuaji, leo Novemba 6, 2024 amefanyiwa upasuaji na Madaktari Bingwa  wa Rais Samia, kuuondoa uvimbe huo katika Hospitali ya Nyamiaga,  wilaya ya  Ngara mkoani Kagera.

Akizungumzia upasuaji huo  Daktari Bingwa wa kinywa, meno, taya na sura kutoka Hospitali Kuu ya Jeshi ya Lugalo Dar es Saalam, Dkt. Beatus Msemakweli baada ya kufanikisha upasuaji huo amesema wazazi wa mtoto huyo wamesumbuka kwenda katika hospitali mbalimbali kutafuta matibabu hadi nchi jirani ya Burundi lakini bila mafanikio.

"Sasa baada ya kusikia kuwa Madaktari wa Samia tupo hapa na yeye akajitokeza kuja kupata matibabu na tumemfanyia upasuaji tayari yupo wodini anaendelea vizuri chini ya uaangalizi," ameeeleza Dkt. Msemakweli.

Aidha, Dkt. Msemakweli amesema pamoja na matibabu hayo wanayotoa kwa wananchi, pia wanatoa ujuzi kwa wataalamu walipo katika hospitali za wilaya ili hata watakapoondoka  huduma hizo ziendelee  na kupunguza rufaa.

Madaktari hao wameweka kambi katika hospitali  nane (8) za wilaya za mkoa Kagera kwa lengo la kuboresha huduma za kibingwa na bingwa bobezi pamoja na kuwajengea uwezo watumishi wa afya katika ngazi ya Msingi.

www.ngaradc.go.tz