MAFUNZO YA WASIMAMIZI WASAIDIZI WA UCHAGUZI NGAZI YA KATA YAENDELEA KUFANYIKA WILAYA YA NGARA

Wakati ilipowekwa: August 5th, 2025

NGARA UPDATES

05/08/2025

Mafunzo  hayo yameendelea kufanyika ikiwa ni siku ya pili  katika ukumbi Wa Community Centre Ngara Mjini .Ambapo walianza na Marejeo ya mada zilizofundishwa siku ya kwanza.

Mada zilizofundishwa ni

1.Taratibu za Upigaji kura ambapo mada iliwezeshwa na Ndg Telespord Ngerangera.

2. Mazoezi ya ufungaji Vituturi na masanduku  ya kura, matumizi ya Majalada ya Nukta Nundu  na kutazama picha za video (video clips) kuhusu Upangaji sahihi wa kituo, Ufungaji wa kituturi,kufunga masanduku ya kura na Namna ya kufunga karatasi ya kura.Mada iliyowezeshwa na Ndg Jacob Sona

3. Taratibu za kuhesabu kura kituoni na kutazama picha za video kuhusu  kuruhusiwa kuwepo katika chumba  cha kuhesabia  kura, Utaratibu wa kufungua masanduku  na aina za kura ambapo mada iliwezeshwa na Ndg Josephat Sangatati

4.Kujumlisha kura na kutangaza matokeo ya uchaguzi wa Rais,Wabunge na Madiwani pia  kutazama picha za video kuhusu Maandalizi katika Sehemu ya kujumlisha kura,Utaratibu wa kufuatwa kabla ya kujumlisha kura ambapo mada hiyo iliwezeshwa na Bi Sakina Chamiti.

5. Fomu zinazotumika wakati wa kupiga kura ,kuhesabu kura, na kujumlisha Matokeo na Mazoezi ya kujaza fomu kwa vitendo mada hii  iliwezeshwa na Bi Josephina Lusatira

Aidha  yalifanyika Majadiliano kulingana na Mada iliyofundishwa.

www ngaradc.go.tz