MKUU WA IDARA YA UTAWALA NA USIMAMIZI WA RASLIMALI WATU AFANYA KIKAO KAZI NA WAKUU WA IDARA NA VITENGO, MAAFISA WATENDAJI WA KATA NA VIJIJI WILAYANI NGARA

Wakati ilipowekwa: February 27th, 2025

NGARA UPDATES

27/02/2025

Mkuu wa Idara  ya Utawala na Usimamizi wa Raslimali Watu Bi Jenipha Mapembe amefanya kikao kazi kwa lengo la kukumbushana majukumu  mbalimbali  ikiwa na mikakati iliyo bora katika kufanya shughuli bora katika Jamii,  pia kufahamiana baada ya kuhamia Wilaya ya Ngara.

Kikao hicho wamehudhuria Wakuu wa Idara na vitengo, Maafisa utumishi,Maafisa watendaji kata zote , Watendaji wa Vijiji wote ambao kikao hicho kimefanyika ukumbi wa Community Centre Ngara Mjini.

Nae Afisa Mapato amesisitiza suala la   usimamizi wa ukusanyaji Mapato na pasiwe na utoroshaji Mapato katika vijiji/kata . Afisa Elimu Msingi amewataka kusimamia upatikanaji wa chakula shuleni ili kuepusha ufaulu hafifu, Afisa TEHAMA  amesisitiza matumizi sahihi ya Mifumo, mitandao ya kijamii pamoja na matumizi bora ya Poss Mashine, Fass na NeST,

Aidha Afisa kilimo amewataka Maafisa Ugani kuwafikia wakulima na wafugaji ,kuwasajili wakulima kwenye mfumo na kupewa namba ya Utambulisho. Afisa Maendeleo ya Jamii amewakumbusha mikopo ya asilimia 10  wahusika ni Vijana, wanawake na wenye ulemavu pia wawapitishie barua za kuomba mikopo kwani ndiyo wanaowatambua waomba mikopo  huko kijijini.

Mkuu wa idara ya utawala na usimamizi raslimali watu amesisitiza suala la ushirikiano katika kufanya kazi , pia amewakumbusha majukumu yao maafisa watendaji kata na vijiji, Ujazaji wa PEPMIS, Wajibu na Haki , wafanye Mikutano/ vikao vya kisheria , usomaji mapato na matumizi,kusimamia miradi ya Maendeleo,Suala la Maadili mazuri kazini na nje ya kazi, kuomba ruhusu rasmi anapopata changamoto , kusimamia usafi  wa mazingira ,kurudisha vitabu vya Michango na kuacha ulevi kazini.

Ngara kazi inaendelea

www.ngaradc.go.tz