TANZANIA RWANDA NA BURUNDI WAKUBALIANA KUANZA KUTUMIA UMEME WA PAMOJA IFIKAPO FEBRUARI 2025

Wakati ilipowekwa: November 18th, 2024

NGARA LEO

• Kagera Sasa Umeme Kuimarika 100%
• Fursa kwa wawekezaji wa Viwanda kwa Umeme nafuu

Nchi Tatu Wanachama wa Mradi wa Umeme kupitia Baraza la Mawaziri wa masuala ya Nishati kutoka Tanzania, Rwanda na Burundi tayari zimekubaliana kuzindua Mradi wa Umeme wa Rusumo HydroPower Project ifikapo Februari 2025 hii ni kutokana na ratiba za Wakuu wa Nchi hizo.

Akizungumza na Wanahabari  mara baada ya kuhitimisha Kikao cha makubaliano, kilichofanyika Rusumo Wilayani Ngara mahala unapotekelezwa mradi huo, Mwenyekiti wa Baraza hilo la Mawaziri ambaye pia ni Waziri wa Nishati na Naibu Waziri Mkuu wa Jamhuri ya Muungano wa Tanzania Dkt. Dotto Mashaka Biteko, amesema mpaka sasa mradi umekamilika 99.9% kinachosubiriwa ni ratiba ya Wakuu wa Nchi zote Tatu ambao wamekuwa na majukumu na ratiba ikishindikana kuwapata kwa pamoja, ili kufanyika kaa tukio la uzinduzi rasmi wa Mradi huo wa megawati  80.

Aidha Dkt. Biteko amezishukuru Nchi wanachama kwa namna walivyoshirikiana katika utekelezaji wa mradi huo, huku akitaja manufaa makubwa yaliyopatikana kwa Wananchi wanaouzunguka mradi huo,  yakiwemo upatikanaji wa Umeme wa uhakika, Ajira kwa Wafanyakazi na Vibarua wakati wa utekelezaji wa mradi, ujenzi wa miradi ya maendeleo inayotokana na mradi hususani Wilayani Ngara ikiwemo Hospitali.

Kwa upande wake Mkuu wa Mkoa Kagera Amesema kuwa, kwa sasa Mkoa wa Kagera hautakuwa na katizo la Umeme, kwakuwa umeme utakaozalishwa wa Megawati 27 utaunganishwa moja kwa moja katika gridi ya Taifa, hivyo umeme utaimarika, na kuwaomba wawekezaji kuendelea kuwekeza katika Mkoa Kagera kwa kujenga Viwanda na kuongeza shughuli nyingine za uzalishaji kwani tayari nishati ya umeme ni ya uhakika.

Ngaradc.go.tz