UJENZI WA SOKO LA KIMKAKATI KAHAZA KATA YA RUSUMO WAFIKIA ASILIMIA 93.90 WILAYANI NGARA

Wakati ilipowekwa: March 11th, 2025

NGARA UPDATES

11/03/2025

 Kamati ya fedha utawala na Mipango imetembelea kuona ukamilishaji wa ujenzi  wa soko hilo utagharimu Tsh 2,517,833,024/= na ambao umefikia asilimia 93.90

Makamu Mkiti wa Halmashauri Mhe Adronizi Bulindori aliongozana na kamati ya fedha ambao ni waheshimiwa Madiwani wajumbe wa kamati hiyo wakuu wa idara na Vitengo pamoja  na Mratibu wa LADP Ndg Asifiwe Gwihangwe.

Mradi huo una sehemu kuu sita ambazo ni Eneo la wazi kwa ajili ya Biashara za jumla na rejareja,Sehemu za kuhifadhi Bidhaa,Maduka na maeneo ya wazi kwa ajili ya ofisi mbalimbali , eneo la maegesho ya magari  na Eneo la Minada

 Faida za mradi ikiwa ni 

Kuongeza mapato ya Halmashauri  ambapo itakusanya mapato kutokana na ushuru wa kupakia na kupakua mizigo,kodi za vibanda,ofisi na ushuru wa maegesho.

Kuboresha mahusiano na nchi jirani baina ya Tanzania na Rwanda

Fursa za Ajira yaani katika utekelezaji wa mradi huu watanzania  mbalimbali hasa wakazi wa Ngara ameajiriwa  kwa muda mfupi ,kati na mrefu.

Kuinua kipato cha wananchi kupitia mradi huu wananchi wengi hasa wa wilaya ya Ngara wamenufaika hasa kupitia kutoa huduma na kuuza bidhaa mbalimbali kama vifaa vya ujenzi, vyakula,nyumba za kupanga na bidhaa nyingine zinazohitajika wakati wa  utekelezaji mradi huo.

Kukuza mji wa Rusumo kwani mradi huu utakuwa kichocheo kikubwa  cha ukuaji wa mji  wa Rusumo hasa kutokana na kuongezeka kwa mwingiliano wa watu na shughuli za kibiashara.

Soko Mkakati la Kahaza kata ya Rusumo wilayani Ngara

Kamati ya fedha ikikagua  maeneo mbalimbali ya Jengo la Soko la kimkakati kahaza

Mhe Adroniz Bulindori  Makamu Mkiti Halmashauri ya wilaya akiwa na mratibu wa LADP, Mhe Sudi Mkubila na wajumbe  kamati ya fedha

Ngaradc.go.tz