Water Services

Majukumu ya Idara ya Maji.

Idara ya Maji inalo jukumu la kuhakikisha jamii ya Ngara inapata huduma ya maji safi na salama katika umbali wa mita 400 kwa maeneo ya vijijini na mita 200 kwa maeneo ya vijijini. Majukumu mahsusi ya idara ya maji ni pamoja na:

1. Kuwakilisha Mamlaka ya Mkoa na Wizara ya Maji katika usimamizi wa utekelezaji wa sera ya maji ya taifa ya 2002, kanuni na sheria pamoja na kusimamia rasilimali za maji wilayani.
2. Kuwezesha wananchi na kuhakikisha kuwa wanapata huduma ya maji safi na salama yanayotosheleza mahitaji ya msingi ndani ya mita 400 kwa upande wa vijijini na umbali wa mita 200 kwa upande wa mjini.
3. Kuhakikisha kuwa utekelezaji wa miundombinu ya miradi ya maji unaofanywa na wadau wote, unazingatia sera ya maji ya nchi pamoja na viwango vya ubora kiutaalam/kiuhandisi.
4. Kuratibu uandaaji wa mpango wa maendeleo ya sekta ya maji, mpango wa maendeleo wa mwaka na bajeti ya matumizi ya kawaida.
5. Kusaidia jamii katika kuanzisha vyombo huru vya kijamii vya kusimamia miradi yao ya maji kwa mujibu wa sheria za maji nchini ili kuongeza tija katika usimamizi na hudumishaji wa miradi ya maji.

Vipaumbele vya Idara ya Maji 

• Kukarabati miradi ya maji isiyofanya kazi kwa kufanya ukarabati na ukarafati
• Kujenga miradi mipya ili kuongeza kiwango cha upatikanaji wa maji kwa wananchi.
• Kujenga uwezo kwa watumishi na jumuiya za watumiaji maji ili kusimamia miradi ya maji.
• Kuhifadhi vyanzo na rasilimali za maji
• Mafanikio

 Kwa mwaka wa fedha wa 2018/2019 tumepokea kiasi cha Tshs. 423,044,704.02 za maendeleo, ambapo tumefanikiwa kukamilisha mradi mmoja wa maji katika kijiji cha Mukubu.