Mifugo na uvuvi

PICHA/JINA	CHEO	SIMU
Ndugu Josephat Sangatati	Afisa Mifugo na Uvuvi (W)	+255 784 659 484, / +255 768 474 314 mifugo@ngaradc.go.tz

Wananchi wa Ngara wanashughulika na ufugaji wa mifugo ya aina mabali mbali. Kuna ng’ombe kiasi cha  70,000. Baadhi ya wafugaji wanafungia ng’ombe ndani. Mfano wa Ngombe wanaofugiwa ndani ni kama Frisian chotara F1, F2 & F3 wa  aina ya Boran.  Wafugaji waliobaki wanafuga aina ya  Zebu na Ankole ambao uzalishaji wao wa maziwa ni kati ya lita 1-3 kwa siku.  Katika kilimo mchanganyiko wa Migomba-Kahawa wanayama wadogo kama mbuzi na kondoo hufugwa pamoja na ng’ombe wa maziwa. Maeneo ya nyanda za Chini Ng’ombe na mbuzi wanafugwa  kwenye machugo huria. Samadi hutumika kama mbolea.

Ndikana kali, Ndigana baridi,  Moyomaji, Mkojodamu ni magonjwa ya yaliyozoeleka. Ugonjwa wa Ndigana kali ndio unaouwa ng’ombe zaidi kuliko magonjwa mengine. Katika Misitu ya hifadhi kuna mbung’o wanaosababisha ugonjwa wa ndorobo(nagana) unaosababisha vifo vya ng’ombe pia. Milipuko ya ugonjwa wa Midomo na Miguu, Chambavu(koto), Mapele ngozi, hutokea pia na Chanjo dhidi ya magonjwa hayo hutumika kama njia ya kinga.

Aina ya wanyama wanaofugwa katika Wilaya  ya Ngara ni kama ifuatavyo:

Fursa za Kiuchumi

• Uwepo wa Ng’ombe koo safi ya  asili na Ankole kiasi cha  70,000 na Mbuzi  190,450.
• Uwepo wa Masoko ya Minada.
•  Uwepo wa Miundombinu ya Mifugo

UVUVI

Hakuna shughuli kubwa ya uvuvi inayofanyika, ingawa kuna mito mikubwa miwili iitwayo Kagera na Ruvuvu. , Uvuvi  mdogo hufanyika kama njia ya kujikimu kimaisha. Samaki wa aina ya  Tilapia (Oreochromis niloticus) na Kambale (Clarius gariepinus)  wanafugwa katika mabwawa madogo ya ukubwa wa mita za mraba 200. Kuna mabwawa ya Samaki  59 ya kuchimba yanayoendeshwa na wakulima binafsi ama Vikundi vinavyowezeshwa na Mashirika yasiyo ya Kiserikali kama TCRS, TUMAINI FUND, and REDESO.

Halmashauri ya Ngara imeweka mpango wa kufufua Mabawa kwa kuyapanua na kujenga mapya ili kupata idadi kubwa ya samaki na  kuongeza kipato.

Fursa za Sekta ya Uvuvi

Sekta ya Uvuvi inatoa fursa za uwekezaji ili kuongeza usalama wa chakula kwa kaya na pato la Taifa kwa Ujumla . Fursa hizo zipo katika maeneo yafuatayo:

(1) Uwekezaji katika Mbwawa ya samaki madogo na makubwa.

(2) Uvuvi katika mito ya asili.

(3) Uzalishaji wa  mbegu bora ya samaki na chakula cha samaki..

 (4) Utengenezaji wa vyombo na vifaa  vya uvuvi  na mahitaji mengine katika Sekta ya Uvuvi.