Baraza maalum la kujadili hoja za mdhibiti mkuu wa hesabu za serikali

Wakati ilipowekwa: August 14th, 2017

Mkuu wa mkoa wa Kagera Meja Jenerali Mstaafu Salum M. Kijuu akiongea katika baraza maalum la kujadili hoja za mdhibiti mkuu wa hesabu za serikali ameagiza yafuatayo:-

• Watoa huduma wote katika Halmashauri ya wilaya ya Ngara watoe stakabadhi za kielektroniki (EFD)
• Mkurugenzi Mtendaji kuhakikisha watoa huduma wote waliotoa stakabadhi ambazo si za kielektroniki kuwasilisha stakabadhi za kielektroniki ndani ya siku saba.
• Wakaguzi wa ndani wahakikishe kwenye taarifa yao wanaweka kipengere cha maelezo ya kina kuhusu manunuzi yote yaliyofanyika ndani ya kipindi husika.
• Uthamini wa mali za Halmashauri ya wilaya ya Ngara ufanyike kwa makini na baraza la Madiwani wapate taarifa.
• Vitabu tisa vya kukusanyia mapato ya Halmashauri vipatikane ndani ya siku tatu
• Mkurugenzi Mtendaji awasimamishe watumishi waliotajwa kwenye ripoti ya Mdhibiti mkuu wa Hesabu za serikali.
• Hoja za miaka ya nyuma zifuatiliwe na kushughulikiwa ipasavyo

 Mwisho mkuu wa mkoa aliahidi kurudi mwezi Februari mwakani kwa ajili ya kufuatilia utekelezaji wa maagizo aliyoyatoa kuhusu hoja za mdhibiti mkuu wa hesabu za serikali