DC AENDELEA NA OPERATION SIKILIZA TATUA KERO KATA YA KASULO- NGARA

Wakati ilipowekwa: February 6th, 2024

Ngara - Leo

Mkuu wa Wilaya Mhe Col Mathias J Kahabi ameendelea na zoezi la Oparation Sikiliza na kutatua kero  katika Wilaya ya Ngara.

Mkuu wa Wilaya aliongozana na kaimu Mkurugenzi Mtendaji Wilaya Ndg Constantine Msemwa, kamati ya Usalama Wilaya, Waheshimiwa Madiwani Mhe Yusuph katura na Mhe Zawadi Diwani viti Maalum Wakuu wa Idara na Vitengo  pamoja na  Wakuu wa Taasisi za Maji (RUWASA) Umeme (TANESCO), mratibu wa vitambulisho vya taifa Wilaya NIDA , TARURA pia uongozi wa Kata.

Mkutano huo umefanyika Kijiji Cha Ngoma kata ya kasulo Tarafa ya Nyamiaga.

Kero kubwa ikiwa ni mfugaji Ndg Method kujimilikisha eneo la kufugia Kwa madai alipewa eneo na serikali ya Kijiji jambo ambalo iimeonekana si kweli.

 Ambapo changamoto hiyo imetatuliwa na chama Cha wafugaji  na wote watatumia eneo hilo bila kubuguziwa au kubaguana.

Aidha imetatuliwa kero baina ya  wafugaji na Wakulima Ambapo Kila mfugaji ameahidi  kulimaliza endapo linapotokea Ng'ombe amekula Mazao ya Mkulima watakuwa tayari kulipa.

Limefanyika zoezi maalum la Uchangiaji Ujenzi wa choo Cha shule ya Msingi Ngoma Ambapo imechangwa Tsh 1,500,000 ikiwa ni kero katika shule hiyo  cash zilizochangwa tsh 220,000 na ahadi 1,280,000/ zimeahidiwa kulipa ndani ya wiki mbili kuanzia tarehe ya Mkutano huo.

Wananchi wa kata hiyo  wamefurahishwa na kumpongeza Kwa zoezi la Mhe Mkuu wa Wilaya la kusikiliza na  kutatua  kero.

Ss

Wananchi waliojitokeza katika mkutano wa kusikiliza na kutatua kero uliofanyika Kijiji Cha Ngoma Kata ya Kasulo.

ngaradc.go.tz