DC NGARA APOKEA UGENI WA WAENDESHA BAISKELI WA JUMUIYA YA AFRIKA MASHARIKI WAKITOKEA BURUNDI

Wakati ilipowekwa: August 2nd, 2024

Mhe Col Mathias Julius Kahabi DC Ngara leo tarehe 02/8/2024 ameshiriki kuwapokea Waandesha Baiskeli wa Jumuiya ya Afrika Mashariki (EAC) wakitokea Nchi jirani ya Burundi.

Mapokezi hayo yamefanyika katika Mpaka wa Tanzania na Burundi, eneo la Kabanga OSBP. Waendesha baiskeli hao walifika katika eneo la mpaka huo wakiongozwa na Mhe Balozi Remy Barampama ambaye ni Mkurugenzi Mkuu wa Masuala ya Vijana, Utamaduni na Michezo Nchini Burundi.

Waendesha baiskeli toka Nchi wanachama wa EAC watazunguka Nchi za EAC ikiwemo, DR Congo, Burundi, Tanzania, Kenya, Uganda na Rwanda na watatumia muda wa siku 56 kumaliza tour hii  iliyopewa jina la GACS - Great Africa Cycling Safari.

Kiongozi na mwanzilishi wa tour hii raia wa Uganda Ndg Johnbosco Palongo amesema lengo la tour hii ni  kuongeza ufahamu kuhusu EAC integration, kutoa Elimu kuhusu Mabadiliko ya tabia ya nchi/athari zake na Usalama wa chakula miongoni mwa Nchi wanachama wa EAC.

Mhe DC Kahabi, amewakaribisha sana Waendesha baiskeli hao Nchini Tanzania kupitia Wilaya ya Ngara katika Mkoa wa Kagera na kuwahakikishia Amani na Usalama muda wote watakapokuwa Wilayani Ngara. Aidha limefanyika  zoezi la upandaji miti na kuongea na wananchi ng'ara mjini ili kufikisha ujumbe 

Mhe Col Kahabi  Amewapongeza Viongozi wote akiwemo Kiongozi wa Waendesha baiskeli pamoja na Viongozi wawakilishi wa Serikali ya Burundi waliofuatana na vijana hao.

ngaradc.go.tz