DC -NGARA AWAPONGEZA WAJUMBE WA KAMATI YA SIASA YA WILAYA KUSHIRIKI SHUGHULI ZA USAFI WILAYANI NGARA

Wakati ilipowekwa: February 2nd, 2024

Kamati ya Siasa ya Wilaya ya Ngara ikiongozwa na Mwenyekiti wa CCM Wilaya ya Ngara Ndg Vitalis Ndailagije aliyewakilishwa na Mwenezi wa CCM Wilaya Ndg Damian Godian na Katibu wa CCM Wilaya Cde Anastazia Amasi  pamoja na Wajumbe wa Kamati hiyo wameshiriki shughuli kubwa ya usafi lililofanyika katika Wilayani Ngara na kushirikisha Viongozi wote wa Wilaya, Tarafa, Kata na Vijiji.

Shughuli hizi ni mwendelezo wa ufanyikaji Usafi Wilayani Ngara zilizoanzishwa rasmi miaka miwili iliyopita na Mhe Col. Mathias J  Kahabi Mkuu wa wilaya Ngara na kuweka utaratibu mzuri wa Viongozi wa ngazi zote wa Wilaya kushiriki shughuli hizo kila Alhamis lakini pia kila siku wananchi wote mjini na Vijijini.

Kampeni hizo leo zimeshirikisha Viongozi wote wa Chama na Serikali wakati Kamati ya Siasa ya Wilaya iliposhiriki usafi na uhamasishaji mkubwa wa usafi ndani ya Mji wa Ngara na mitaa yake ikiwa ni sehemu ya Maadhimisho ya miaka 47 ya kuzaliwa kwa Chama Tawala CCM.

Mhe. Col Mathias Kahabi anatoa pongezi nyingi kwa Kamati ya Siasa ya Wilaya kushiriki na kutoa hamasa kubwa kwa Wananchi ambao walijitokeza kwa wingi wakiunga mkono shughuli za Viongozi hao wa Chama na Serikali.

 Hongereni sana Kamati ya Siasa ya Wilaya ya Ngara.

ngaradc.go.tz

Kazi iendelee........