DC NGARA COL.KAHABI AENDELEA NA USIMAMIZI WA UJENZI WA HOSPITALI YA WILAYA

Wakati ilipowekwa: October 8th, 2024

Leo tarehe 08/10/2024, DC Ngara Mhe Col Mathias Julius Kahabi ameendelea na ziara yake ya usimamizi wa Ujenzi wa Hospitali ya Wilaya ya Ngara iliyopo Kata ya Mbuba Tarafa ya Rulenge ambapo shughuli mbalimbali za Ujenzi zinaendelea katika Hospitali hiyo ya Wilaya.

Mhe DC Kahabi anawapongeza timu ya Wataalam toka Halmashauri ya Wilaya ya Ngara ikiongozwa na Mkurugenzi Mtendaji wa Halmashauri hiyo ndg Solomon Kimilike kwa kuweka mikakati ya pamoja mahsusi kwa ajili ya kumalizia Ujenzi huo ambapo huduma muhimu katika Hospitali hiyo zilianza kutolewa toka tarehe 01/5/2024.

Aidha, kwa niaba ya Wananchi wa Halmashauri ya Wilaya ya Ngara Mhe Col Mathias Kahabi kipekee kabisa anampongeza sana Mhe Dr Samia Suluhu Hassan Rais wa Jamhuri ya Muungano wa Tanzania kwa kuipatia Halmashauri yetu kiasi cha Tshs bilioni 1.8 ambazo zinafanikisha kujenga Hospitali ya Wilaya ya Ngara.

Ngara Kazi inaendelea.

www.ngaradc.go.tz