NGARA DC YAPATA HATI SAFI YA TAARIFA YA CAG MWAKA WA FEDHA 2017/2018

Wakati ilipowekwa: July 6th, 2019

Halmashauri ya Wilaya ya Ngara imepata hati safi ya taarifa ya CAG katika kipindi cha mwaka wa fedha 2017/2018. Akisoma ripoti ya majibu ya hoja za CAG, Muhasibu wa Halmashauri ya Ngara Ndugu Yona  Charugamba alieleza kuwa Halmashauri ya Ngara iliweza kujibu hoja za CAG kwa uhakika na ufasaha ikiwa pamoja na kuwasilisha nyaraka na vielelezo 100 vilivyohitajika tofauti na 43 kama ilivyokuwa kwa  mwaka wa fedha 2016/2017.

Kikao hicho kilihudhuriwa na Mkuu wa Wilaya ya Biharamulo Mhe. Saada  Malunde aliyekuwepo kwa niaba ya Mkuu wa Mkoa Kagera na Mkuu wa Wilaya ya Ngara,Mwenyekiti Halmashauri Ngara Mhe. Eric Nkilamachumu,Mkurugenzi Mtendaji Ngara Ndugu Aidan Bahama,Mbune wa Ngara Mjini Mhe. Alex Gashaza,Baraza la Madiwani pamoja na wakuu wa vitengo/idara wa Halmashauri ya Ngara. 

Mgeni rasmi wa kikao hicho Mhe. Saada aliipongeza menejimenti ya Halmashauri ya Ngara ikiongozwa na Mkurugenzi Mtendaji Ndugu Aidan J. Bahama kwa kazi nzuri wanayofanya . Pia aliiomba Halmashauri kumtumia vema Mkaguzi Mkuu wa Ndani ili kuzuia kuibuka kwa baadhi ya hoja ambazo zinaweza kumalizwa na Halmashauri yenyewe.

Baraza la madiwani liliiridhia na  kuipitisha taarifa iliyosomwa na Mweka hazina wa halamshauri ya Ngara.