KIKAO CHA BARAZA MAALUM LA MADIWANI KWA AJILI YA KUJADILI TAARIFA YA MDHIBITI NA MKAGUZI MKUU WA HESABU ZA SERIKALI KWA MWAKA WA FEDHA 2022/2023.

Wakati ilipowekwa: May 25th, 2024

NGARA LEO 

Mbele ya Mhe Mkuu wa mkoa wa Kagera Bi Fatuma H Mwassa ambaye alikuwa mgeni rasmi wa kikao hicho, taarifa ilisomwa kuwa Halmashauri ya Wilaya  ya Ngara ilipata Hati Safi Inayoridhisha, jambo ambalo limewafurahisha Viongozi wote.

Ilifafanuliwa kuwa ni mwaka wa nane Sasa Halmashauri hii ikipata Hati Safi Inayoridhisha. Aidha Mhe Mkuu wa mkoa na Mgeni rasmi amefurahishwa na taarifa hiyo na hivyo kusisitiza kuendelea kuboresha utendaji kazi na usimamizi, kuondoka hoja zote angalau hata iwe miaka kumi kuendelea kupata Hati Safi Inayoridhisha.

Mwisho Mwenyekiti wa Halmashauri Mhe Wilbard Bambara amemshukuru Sana Mhe mkuu wa Mkoa kukubali kufika na kusimamia mkutano huo Alimwahidi kuwa Viongozi wote hawatamuangusha na kuhakikisha Halmashauri inasonga mbele.

ngaradc.go.tz