KIKAO CHA KUWASILISHA MAPATO NA MATUMIZI KWA WADAU WA MAJI CHAFANYIKA - NGARA KAGERA

Wakati ilipowekwa: November 18th, 2023

Mhe. Hatujuani Ally Lukali  Katibu Tawala wilaya ya Ngara ambaye

Alimwakilisha Mkuu wa wilaya ya Ngara Mhe. Col. Mathias Julius kahabi katika kikao Kilichofanyika tarehe 17/11/2023  ambapo ilisomwa taarifa ya Maendeleo ya Miradi ya Maji Wilaya ya Ngara.

Mhe Katibu Tawala Wilaya Aliwaomba wananchi kuendelea kutunza vyanzo vya maji na kulipia huduma ya maji kwa wakati ili kuboresha miundombinu zaidi na kwamba hatua Kali zitachukuliwa kwa watakao haribu vyanzo vya maji .

Aliendelea Kwa kusema ambaye  hatalipia huduma ya maji ikiwemo kukatiwa huduma hiyo.

Katibu Tawala wilaya   aliwataka wakandarasi wote wanaofanya kazi na kupitiliza muda wa makubaliano (Wazembe) hawatovumiliwa na watachukuliwa hatua Kali zakisheria .

Katibu Tawala wilaya  amewapongeza viongozi wa RUWASA-Ngara Kwa Juhudi wanazozifanya kuhakikisha huduma ya Maji safi inapatikana .

Nae Eng. Jumanne Magugu katika kikao hicho amewaasa wananchi kujitokeza kulipa huduma ya maji kwawakati ili kuboresha huduma zaidi na iwafikie wananchi ambao bado hawajapata huduma ya maji,

Eng huyo amewaomba wananchi kutunza vyanzo vya maji na kutoa taarfa za uharibifu wa makusudi wa vyanzo vya maji na kwamba Kila mmoja awe mlinzi wa vyanzo hivi kwa manufaa ya wananchi wote.

Eng Jumanne amewaomba viongozi wote kuanzia  vitongoji, vijiji, kata na wilaya katika suala Zima la utunzaji wa vyanzo vya maji. Pia wajitahidi kukusanya mapato ili pesa hizo ziboreshe huduma za maji .

Mwisho  Katibu Tawala wilaya  aliipongeza  serikali ya Jamhuri ya Muungano wa Tanzania inayoongozwa na Rais Dkt Samia Suluhu Hassan kwa kuendelea kuleta fedha kwa ajili ya miradi ya maji ambayo inawanufaisha wana Ngara.

ngaradc.go.tz