MAMENEJA WATOA MAGODORO ISHIRINI 20 KWA WANAFUNZI WENYE MAHITAJI MAALUM SHULE YA MSINGI MURGWANZA - NGARA

Wakati ilipowekwa: March 22nd, 2024

NGARA LEO

Leo mameneja wa NMB matawi ya Wilaya zote za mkoa kagera wamekabidhi msaada wa magodoro 20 yenye thamani Tsh 1,200,000/= Kwa wanafunzi wenye mahitaji Maalum shule ya Msingi Murgwanza.

Aidha mameneja hao wa NMB Wana utaratibu wao wa kila mwaka kujitoa kwa wenye mahitaji Maalum.

Meneja wa NMB Ngara Ndg. Fransis Malile alisema lengo la mameneja ni kusaidia wanafunzi wenye mahitaji. Huu ni mwendelezo wa kufanya Kwa Wilaya ambazo zilikuwa hazijasaidiwa.

Naye kwa niaba ya Afisa Elimu  Msingi Mwl. Ezekiely Nzabayanga aliwashukuru mameneja hao kwa kujitoa kusaidia wanafunzi wenye mahitaji Maalum.

Kaimu Mkurugenzi Mtendaji wilaya Ndg Emmanuely Kulwa aliwashukuru pia mameneja kwa Jinsi walivyoona umuhimu wa kusaidia wanafunzi wenye mahitaji Maalum. Aidha amewaomba waendelee na moyo huo wa kujitoa.

Kwa Wilaya ya Ngara waliguswa kutoa msaada kwa wanafunzi wa Murgwanza wenye mahitaji Maalum. Aidha waliona ni muhimu kuwapa kitu cha kudumu Magodoro Super Banko

ngaradc.go.tz