MKUU WA MKOA KAGERA AFANYA ZIARA WILAYANI NGARA.

Wakati ilipowekwa: July 26th, 2023

Mhe Mkuu wa Mkoa wa Kagera Hajjati Fatma Abubakari Mwasa amefanya ziara Wilayani Ngara akiongozana na katibu Tawala Mkoa Ndg Toba Nguvila kwa Kutembelea Miradi ya Maendeleo ambayo ni Ujenzi wa Vyumba vya madarasa, Mabweni na Vyoo Shule ya Ngara High School, ujenzi wa Nyumba ya Mtumishi Mkurugenzi Mtendaji wa Halmashauri Ngara na Mradi wa Maji Mabawe.

Aidha Mhe Mkuu wa Mkoa alitembelea Vituo vya forodha (OSBP) na kufanya Vikao na watumishi Kabanga na Rusumo.

Mhe Mkuu wa Mkoa alimaliza Kwa kufanya mkutano wa Hadhara kitongoji Cha Mundimanga Kijiji Cha Murukukumbo Kata ya Kabanga.

Mhe Mkuu wa Mkoa amempongeza Mkuu wa wilaya Ngara Kanali Mathias Kahabi na Mkurugenzi Mtendaji Wilaya Bw. Solomon Kimilike Kwa usimamizi mzuri wa miradi alitembelea.

Mhe Mkuu wa Mkoa alimshukuru Mhe Rais wa Jamhuri ya muungano Dr. Samia Suluhu Hassan Kwa kuleta fedha nyingi za Miradi ya Maendeleo.