MKUU WA WILAYA ASHIRIKI SHUGHULI ZA USAFI - NGARA

Wakati ilipowekwa: October 3rd, 2024

Ngara Leo

Leo Tarehe 03/10/2024, Mhe Col Mathias Julius Kahabi Mkuu wa wilaya ya Ngara, Ameshiriki shughuli za usafi na Wananchi pamoja na Wafanyakazi wa NMB waliojitokeza kushiriki zoezi la  usafi katika maeneo karibu na Ofisi ya Mkuu wa Wilaya.

Kama ilivyo ratiba ya kila Alhamis ya kila wiki ni  kufanya usafi Wilayani Ngara, Wananchi wamekuwa na mwamko mkubwa wa kufanya usafi kwa hiari yao wakishirikiana na Viongozi mbalimbali wakiwemo Watendaji wa Kata, Vijiji pamoja , Viongozi na Wataalam toka Halmashauri ya Wilaya ya Ngara.

Mhe DC Kahabi anawapongeza Viongozi hao kwa kuendelea kudumisha na kuthamini ratiba hii ya usafi inayoifanya Halmashauri ya Wilaya ya Ngara kuendelea kung'ara na kupendeza Barabara za mitaa na mazingira yake kwa ujumla.

Ngara Kazi inaendelea.......

www ngaradc.go.tz