MKUU WA WILAYA ATOA SALAM ZA SIKUKUU YA CHRISTMAS NA MWAKA MPYA KWA WANANCHI WOTE WILAYANI NGARA.

Wakati ilipowekwa: December 25th, 2023

Mhe Col. Mathias Julius Kahabi Mkuu wa wilaya ya Ngara anawatakia wananchi wote wa Wilaya ya Ngara HERI YA SIKUKUU YA CHRISTMAS NA MWAKA MPYA 2024

Mhe DC amesema: "Ninawaomba wananchi wote  kusherehekea Sikukuu hizi za Christmas na Mwaka mpya kwa Amani na Utulivu na kujiepusha kwa namna yeyote ile na Uvunjifu wa Amani kabla, wakati na baada ya Sikukuu hizo".

Aidha, "Nawaasa wazazi wote ambao watoto wao wameandikishwa kujiunga na darasa la kwanza na wale ambao wamechaguliwa kujiunga na Secondary Kidato cha Kwanza kuhakikisha watoto hao wanaripoti Shule January 2024 kwa muda uliopangwa bila kukosa kwa kisingizio chochote kile." Alisema Col Kahabi.

 Pia, "wakati wa Sherehe hizi ni marufuku Wamiliki wa Kumbi za Starehe kupiga Disco maarufu kama Disco Toto Atakayekiuka  maagizo haya hatua kali za Kisheria zitachukuliwa dhidi yake" amesema Mhe DC.

Pamoja na maagizo hayo, DC Mhe  Col. Mathias Julius Kahabi amesema Vyombo vya Usalama Wilayani Ngara vimejipanga vema kufanya doria za mara kwa mara kila sehemu ili kuhakikisha Wananchi wanamaliza sherehe hizi kwa Amani na Utulivu wa Kutosha. Rai yangu Wananchi hususani wazazi ambao watoto wao wanatakiwa kwenda shule Mwakani kufanya  Sherehe za kiasi huku wakiweka akiba ya hela kwa ajili ya kupeleka watoto wao shule ifikapo January 2024.

 Nawatakia Maandalizi mema ya Sikukuu za Christmas na Mwaka Mpya 2024 na Mungu awabariki sana.

ngaradc.go.tz