MKUU WA WILAYA YA NGARA ATOA MSAADA WA MABATI NA MIFUKO YA SIMENTI KWA SHULE YA MSINGI NYAKIZIBA, GEREZA LA RUSUMO PAMOJA NA GEREZA LA NGARA MJINI

Wakati ilipowekwa: March 24th, 2020

Mkuu wa Wilaya ya Ngara Lt. Kan. Michael Mtenjele ametoa msaada wa mabati ya geji 28 sitini(60) kwa gereza la Rusumo na mabati mengine geji 28 sitini (60) kwa  shule ya msingi Nyakiziba.

Pia Mkuu wa Wilaya amechangia mifuko hamsini (50) ya simenti kwa gereza la Ngara Mjini. Msaada huo ameukabidhi kwa wakuu wa Magereza hayo na Mkuu wa shule ya Msingi hiyo mbele ya Katibu Tawala wa Wilaya ya Ngara Ndugu Vedastus Tibaijuka, Afisa Elimu Msingi Ndugu Gideon Mwesiga na waandishi mbalimbali wa Habari.

Mkuu wa Wilaya aliwaomba wahusika kutumia vifaa hivyo alivyowakabidhi kwa shughuli husika zilizolengwa ambapo  gereza la Rusumo linaendelea na ujenzi wa jengo la Utawala,ghala la kuhifadhia chakula na nyumba ya mkuu wa gereza. Shule ya msingi Nyakiziba inaendelea na ujenzi wa darasa na ofisi ya walimu na gereza la Ngara Mjini linaanza ujenzi wa Zahanati.