MWENYEKITI WA UWT TANZANIA AIPONGEZA WILAYA YA NGARA MKOANI KAGERA

Wakati ilipowekwa: October 3rd, 2023

Mwenyekiti wa umoja wa Wanawake Tanzania (UWT) na mjumbe wa Kamati kuu ya CCM Taifa Ndg. Marry Chatanda ameipongeza halmashauri ya wilaya ya Ngara Mkoani Kagera kwa usimamizi madhubuti wa miradi ya maendeleo inayotekelezwa wilayani humo

Chatanda ametoa pongezi hizo baada ya kutembelea na kukagua miradi ya Nyumba ya Mkurugenzi, Mradi wa maji wa Ngara mjini na ujenzi wa jengo la wagonjwa wa dharura katika hospitali ya wilaya Nyamiyaga Oktoba 3, 2023

Amesema kuwa ameridhishwa na ubora wa miradi ambayo inaendana na thamani ya fedha inayotolewa huku akimpongeza na kumshukuru Rais Dkt. Samia kwa namna anavyoshusha fedha za miradi ambayo inaleta tija kwa wananchi.

Chatanda ametoa pongezi hizo akiwa kwenye jengo la wagonjwa wa dharura lililojengwa kwa thamani ya Zaidi ya shilingi milioni 300.

Awali akisoma taarifa ya ujenzi wa mradi huo mganga mkuu wa halmashauri ya wilaya ya Ngara Dr. Deogratias Miandali ameishukuru serikali kwa fedha zilizotolewa na kuongeza kuwa kufatia kuwepo kwa jengo hilo tayari wamepata vifaa tiba ambavyo hapo awali hawakuwa navyo.

Kwa upande wake Mbunge wa jimbo la Ngara Mhe. Ndaisaba Ruhoro amesema kuwa kwa Zaidi ya miaka mitano hospitali hiyo hakuwa na mashine ya Mionzi ambapo wananchi walilazimika kuifata huduma hiyo mkoani Mwanza

www.ngaradc.go.tz