NGARA YAANZA WIKI YA MAADHIMISHO YA MIAKA 62 YA UHURU WA TANZANIA BARA KIWILAYA.

Wakati ilipowekwa: December 5th, 2023

Halmashauri ya Wilaya ya Ngara  Mkoa wa kagera imeanza wiki ya maadhimisho ya miaka 62 ya uhuru Wa Tanzania Bara 

Maadhimisho  yameanza tarehe 04/12/2026 Kwa kupamba Ofisi za Serikali Kwa Mkuu wa Wilaya  na Halmashauri ,Ambapo kumewekwa picha ya Rais wa Kwanza Mwalimu Julius K. Nyerere na Rais wa Jamhuri ya Muungano wa Tanzania Mhe  Samia Suluhu Hassan.

Wananchi ,watumishi Mbalimbali hufika katika eneo lililopambwa na kusaini kitabu Cha kumbukumbu ya Maadhimisho ya miaka 62 ya uhuru Wa Tanzania Bara.

Maadhimisho yataendelea Hadi tarehe 9/12/2023 Kwa matukio Mbalimbali kulingana na ratiba ya Maadhimisho.

Aidha katika maadhimisho hayo yataendana na shughuli zifuatazo  kusaini kitabu Cha kumbukumbu, kufanya uhamasishaji kupitia vyombo vya habari,  kuongea na wazee maarufu , kufanya usafi kabambe , kupanda miti zaidi ya  1,380, Uchangiaji damu ,  matembezi ya kilometa 5 na kufanya mazoezi ya pamoja Aerobic, michezo ya kukimbiza kuku, kuvuta kamba , kukimbia na chupa yenye maji kichwani na Mdahalo/kongamano.

Katika maadhimisho hayo Mgeni Rasmi atakuwa Mkuu wa Wilaya ya Ngara Mhe  Kanali Mathias Julius Kahabi .

Kauli mbiu ya Maadhimisho ni UMOJA NA  MSHIKAMANO NI CHACHU YA MAENDELEO YA TAIFA LETU.

Watumishi wakisaini kitabu Cha kumbukumbu ya wiki ya Maadhimisho ya miaka 62 ya uhuru kiwilaya.

Afisa Utumishi Wilaya Bi Sabra Mwankenja.

ngaradc.go.tz