SERIKALI YATOA FEDHA TZS BILION 1,163,800,000 KUJENGA MIUNDO MBINU KATIKA SHULE ZA MSINGI WILAYANI NGARA.

Wakati ilipowekwa: April 19th, 2023

Serikali ya Jamhuri ya Muungano wa Tanzania inayoongozwa na Mhe Rais Dkt Samia Suluhu Hassan .Imetoa fedha Tsh Bilion 1,163,800,000/kupitia mradi wa Boost Kwa ajili ya ujenzi wa Shule ya Msingi Mpya , Vyumba vya Madarasa  kwa shule za Msingi  8 pamoja na ujenzi wa  Matundu ya Vyoo.

Shule zilizopatiwa vyumba vya Madarasa ni  Bugarama Vyumba 2, Kabanga Vyumba 4 na Matundu ya Vyoo 3, Kanyinya Vyumba 5 na Matundu ya Vyoo 3, Kumuyange Vyumba 6 na matundu ya Vyoo 3, Muyenzi Vyumba 5 na Matundu 4, Keza Vyumba 4 na Matundu ya Vyoo 6 ,Njiapanda Vyumba 4 na Matundu ya Vyoo 3 pia Shule Mpya Kumunazi Vyumba 7.

Mkurugenzi Mtendaji Wilaya ya Ngara Ndg. Solomon  Kimilike alimshukuru na kumpongeza Mhe Rais wa Jamhuri ya Muungano wa Tanzania Dkt. Samia Suluhu Hassan  Kwa kuonyesha upendo   wake mkubwa  Kwa wananchi wa Ngara  kuendelea kuleta fedha za Miradi ya Maendeleo Wilaya ya Ngara.

Aidha  Mkurugenzi Mtendaji Wilaya alisema atahakikisha fedha hizo zinasimiwa vizuri  Kwa kuhakikisha  miundombinu ya  madarasa na vyoo vinajengwa Kwa ubora.